«Тоҷик Эйр» парвозҳоро дар масири Душанбе — Пекин — Душанбе оғоз менамояд
ДУШАНБЕ, 20.02.2017. /АМИТ «Ховар»/. Ширкати ватании ҳавопаймоии Тоҷикистон «Тоҷик Эйр» шурӯъ аз 27 феврал парвозҳоро дар масири Душанбе- Пекин- Душанбе оғоз менамояд.
Дар ин бора ба АМИТ «Ховар» котиби матбуоти ширкати «Тоҷик Эйр» Азиз Хайруллоев иттилоъ дод.
Бояд тазаккур дод, ки васеъ гардидани ҷуғрофиёи парвозҳои ширкати миллии ҳавонавардии Тоҷикистон «Тоҷик Эйр» барои рафтуомади сокинони мамлакат ба хориҷи кишвар ва афзоиши теъдоди сайёҳони хориҷӣ ба кишварамон мусоидат менамояд. Парвозҳо аз Душанбе ба Пекин рӯзи душанбе соати 16:40 тавассути ҳавопаймои «Боинг 757 200» ва аз Пекин ба Душанбе рӯзи сешанбе соати 3:30 шаб бо вақти Пекин сурат гирифта, ҳавопаймо ба Душанбе соати 07:10- и субҳ мерасад. Давомнокии парвоз аз Душанбе ба Пекин 5 соат 30 дақиқа ва аз Пекин ба Душанбе 6 соату 40 дақиқаро ташкил медиҳад. Арзиши чипта дар ду самт 1 748 сомонист.
Мавриди зикр аст, ки ширкати ҳавопаймоии миллии «Тоҷик Эйр» ба интиқоли мусофирон ва бор ба самти Алмаато, Бишкек, Деҳлӣ, Теҳрон, Москва, Екатеринбург, Новосибирск ва Сургут хизмат мерасонад.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
