Ҳайати дастаи мунтахаби Тоҷикистон барои бозӣ бо дастаҳои мунтахаби Баҳрайн ва Яман интихоб шуд

Март 20, 2017 10:13

ДУШАНБЕ, 20.03.2017/АМИТ «Ховар»/. Сармураббии дастаи мунтахаби футболи Тоҷикистон Ҳаким Фузайлов ҳайати дастаро барои бозӣ бо дастаҳои мунтахаби Баҳрайн ва Яман интихоб кард. 23 март футболбозони кишварамон дар як бозии дӯстона бо тими мунтахаби Баҳрайн дар шаҳри Манама ва 28 март дар шаҳри Давҳаи Қатар дар аввалин вохӯрии расмии интихобии Ҷоми Осиё-2019, дар гурӯҳи «F» вориди майдон мешаванд.
Барои тайёрӣ ба ин вохӯриҳо 27 бозингар ба ҳайати даста даъват шудаанд, ки онро 4 дарвозабон, 8 муҳофизатгар 11 нимҳимоятгар ва 4 ҳамлагар ташкил медиҳанд. Дар ин қатор 7 легионер низ ҳузур доранд, ки инҳо Абдуазиз Маҳкамов (дарвозабон, «Алай»-и Қирғизистон), Давронҷон Эргашев (муҳофизатар, «Тараз»-и Қазоқистон), Искандар Ҷалилов (муҳофизатгар, «Дунав»-и Булғория), Парвизҷон Умарбоев (нимҳимоятгар, «Локомотив»- Пловдив, Булғория), Нозим Бобоҷонов (нимҳимоятгар, КФ «Баҳрайн»-и Бахрайн) ва Умедҷон Шарифов (нимҳимоятгар, «Машъал»-и Ӯзбекистон) мебошанд.
Имрӯзҳо дастаи мунтахаби кишварамон тамринҳои худро пеш аз бозӣ бо дастаҳои Баҳрайн ва Яман дар шаҳри Душанбе идома медиҳад ва 22 март тавассути Дубай ба шаҳри Манама мустақиман парвоз мекунад.
Ҳайати дастаи мунтахаби Тоҷикистон оид ба футбол:
Дарвозабонҳо: Абдуазиз Махкамов («Алай», Қирғизистон), Қурбоналӣ Бобоев («Истиқлол»), Далер Азизов («Регар-ТадАЗ»), Беҳрӯз Хайриев («Барқчӣ»);
Муҳофизатгарон: Давронҷон Эргашев («Тараз», Қазоқистон), Искандар Ҷалилов («Дунав», Булғория), Сиёвуш Асроров, Соҳиб Саванқулов, Амирбек Ҷӯрабоев, Табрези Давлатмир, Аҳтам Назаров (ҳама аз «Истиқлол»), Ойбек Абдуғаффоров («Ҳосилот»);
Нимҳимоятгарон: Парвизҷон Умарбоев («Локомотив», Пловдив, Булғория), Нозим Бобоҷонов (СК «Баҳрайн», Баҳрайн), Умедҷон Шарифов («Машъал», Ӯзбекистон), Муҳсинҷон Парпиев («Барқчӣ»), Нуриддин Давронов, Фатҳулло Фатҳуллоев, Эҳсони Панҷшанбе, Ҷаҳонгир Алиев, Ромиш Ҷалилов (ҳама аз «Истиқлол»), Фирӯз Қараев («Регар-ТадАЗ»), Муҳаммадҷони Ҳасан («Ҳосилот»);
Ҳамлагарон: Манучеҳр Ҷалилов, Ҷаҳонгир Эргашев, Дилшод Восиев (ҳама аз «Истиқлол»), Давронҷон Тӯхтасунов («Хуҷанд»).
Сармураббӣ Ҳаким Фузайлов.

Март 20, 2017 10:13

Хабарҳои дигари ин бахш

Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
Дар Душанбе бахшида ба Рӯзи байналмилалии Йога ҳамоиши варзишӣ доир гардид
Дастаи мунтахаби Тоҷикистон аз Чемпионати ҷаҳон оид ба ҷудо-2025 бо се медали таърихӣ баргашт