Баррасии масъалаи амнияти роҳ ва бехавфгардонӣ дар Вазорати нақлиёти Ҷумҳурии Тоҷикистон
ДУШАНБЕ, 01.03.2017 /АМИТ «Ховар»/. Дар Вазорати нақлиёти Ҷумҳурии Тоҷикистон бо иштироки муовини Сарвазири кишвар Азим Иброҳим, муовини сардори Раёсати рушди инфрасохтори Дастгоҳи иҷроияи Президенти Ҷумҳурии Тоҷикистон Муҳаммад Ҳабибов рӯнамоии бехавфгардонии мавзеъҳои тармафароии роҳҳои мошингарди мамлакат баргузор гардид.
Тавре ки аз Вазорати нақлиёт хабар доданд, дар рӯнамоӣ намояндагони идораҳо ва мақомоти ҳамкор бо соҳаи нақлиёт, аз ҷумла, Агентии обуҳавошиносӣ, Бозрасии давлатии автомобилӣ, Хадамоти давлатии назорат ва танзим, Кумитаи ҳолатҳои фавқулода ва мудофиаи гражданӣ, Пажӯҳишгоҳи лоиҳакашию тадқиқотии «Фазо», Кумитаи сармоягузорӣ, ДТТ ба номи М.Осимӣ, сардорони раёсатҳои вазорат ва маркази лоиҳакашӣ иштирок доштанд.
Муовини сарвазир Азим Иброҳим муҳимият ва саривақтӣ будани мавзӯи рӯнамоии феълиро таъкид намуда, аз ҳозирин хост дар асоси заминаи илмӣ бо далелҳои мушаххас асноду пешниҳоди хешро доир ба бехавф гардондани қитъаҳои ин шоҳроҳ ва зарурати бозсозиву бунёд намудани долонҳои зиддитармавӣ ва тавораҳои нав дар ин қитъа ба миён гузоранд.
Муовини якуми Вазири нақлиёти Ҷумҳурии Тоҷикистон Суҳроб Мирзоев ва директори Пажӯҳишгоҳи илмӣ-тадқиқотӣ ва лоиҳакашию кофтуковӣ Олимҷон Холдоров рӯнамоии мавзӯъро бо истифода аз васоити аёнӣ баргузор намуда, иштирокдорони нишастро бо ҷузъиёти мавзеъҳои хатарноки тармафарои шоҳроҳи Душанбе -Чаноқ ошно намуданд. Барои тартиб додани лоиҳаи таҷдиду навсозии долонҳои ин мавзеъ дар масофаи 24 км барои масъулин 2 моҳ вақт таъйин карда шуд.
Аҳамияти аввалиндараҷаи роҳ дар амният ва бехатарии он мебошад,- таъкид намуд муовини Сарвазир. Дар охир Вазири нақлиёт Худоёр Худоёрзода ба иштирокдорон барои пешниҳоди андешаҳои муфид сипосгузорӣ намуд.
«ШОҲНОМА – ШОҲАСАРИ МОНДАГОР ВА ПАЙВАНДГАРИ НАСЛҲОИ ОРИЁӢ». Дар Душанбе конфронси байналмилалӣ баргузор шуд
Барои пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
