Имрӯз дар қаламрави ҷумҳурӣ боридани борон дар назар аст

ДУШАНБЕ, 01.03.2017. /АМИТ «Ховар»/. Имрӯз дар қаламрави кишвар ҳавои тағйирёбанда шуда, дар баъзе минтақаҳо борон меборад. Аз рӯйи маълумоти мутахассисони Агентии обуҳавошиносии кишвар, дар шаҳри Душанбе шамол аз самти шарқ бо суръати аз 2 то 7 метр дар як сония мевазад. Ҳаво аз 11 то 13 дараҷа гарм мешавад.
Дар вилояти Бадахшон ҳаво тағйирёбандаи бебориш мешавад. Ҳаво дар ғарби вилоят аз 0 то 5 дараҷа гарм ва дар шарқи ин вилоят аз 8 то 13 дараҷа хунук хоҳад шуд. Дар вилояти Xатлон ҳаво тағйирёбандаи бебориш шуда, дар баъзе минтақаҳо нимаи дуюми рӯз борон меборад. Ҳаво дар водиҳо аз 13 то 18 дараҷа гарм мешавад. Дар доманакӯҳҳо аз 8 то 13 дараҷа гарм мешавад. Дар вилояти Суғд ҳаво тағйирёбандаи бебориш шуда, дар баъзе минтақаҳо рӯзона борон ва барф меборад. Дар водиҳо аз 7 то 12 дараҷа гарм мешавад. Дар ноҳияҳои кӯҳӣ ҳарорати ҳаво то 4 дараҷа гарм хоҳад шуд.
Дар ноҳияҳои тобеи марказ ҳаво тағйирёбанда буда, дар баъзе минтақаҳо рӯзона борон ва барф меборад. Ҳаво дар водиҳо аз 9 то 14 дараҷа гарм мешавад. Дар ноҳияҳои кӯҳӣ ҳаво то 5 дараҷа гарм мешавад.