Иштироки М.Ҳусейнзода дар вохӯрии вазирони корҳои хориҷӣ ба ифтихори 25-умин солгарди истиқрори муносибатҳои дипломатии кишварҳои Осиёи Марказӣ ва Франсия
ДУШАНБЕ, 30.03.2017. /АМИТ «Ховар»/. 29 марти соли 2017 бо даъвати Вазири корҳои хориҷӣ ва рушди байналмилалии Франсия Жан-Марк Эро вохӯрии вазирони корҳои хориҷӣ ба ифтихори 25-солагии истиқрори муносибатҳои дипломатӣ байни кишварҳои Осиёи Марказӣ ва Франсия барпо гашт. Ҳайати Тоҷикистонро дар мулоқоти вазирони корҳои хориҷӣ муовини Вазири корҳои хориҷии Ҷумҳурии Тоҷикистон Музаффар Ҳусейнзода роҳбарӣ намуд.
Иштирокчиёни мулоқот масоили минтақавӣ ва таҳдиду чолишҳои муосирро баррасӣ карда, оид ба роҳҳои густариш ва пешбурди муносибатҳо бо Франсия мубодилаи афкор намуданд. Дар партави тадбирҳои вобаста ба 25-солагии истиқрори муносибатҳои дипломатӣ байни кишварҳои Осиёи Марказӣ ва Франсия маросими ифтитоҳи Намоишгоҳи ҳуҷҷатҳои бойгонии Вазорати корҳои хориҷии Франсия баргузор гардид, ки дар он таърихи истиқрор ва густариши муносибатҳои Франсия бо ҳар кишвари Осиёи Марказӣ инъикос шуда буд.
Худи ҳамон рӯз мулоқоти муовини вазир М.Ҳусейнзода бо Вазири корҳои хориҷӣ ва рушди байналмилалии Франсия Жан-Марк Эро барпо гардид.
Зимни мулоқот, ки дар фазои ҳусни тафоҳум сурат гирифт, маҷмӯи масъалаҳои ҳамкории дуҷонибаи Тоҷикистону Франсия, аз ҷумла дар самти сиёсат, иқтисоду тиҷорат, муҳити зист, обу энергетика, инчунин дар бахшҳои мубориза бо ифротгароӣ ва терроризм мавриди баррасӣ қарор гирифтанд. Ҷонибҳо таъкид намуданд, ки танзими сафарҳои сатҳи олӣ ҷиҳати кушодани уфуқҳои нави ҳамкорӣ ба мақсад мувофиқ мебошад.
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
