«Рӯзи дарҳои боз» дар Китобхонаи миллӣ
ДУШАНБЕ, 24.03.2017. /АМИТ «Ховар»/. Дар рӯзи «Дарҳои боз» зиёда аз се ҳазор сокинону меҳмонони пойтахт аз Китобхонаи миллии Тоҷикистон дидан карданд. Дар ин бора аз Китобхонаи миллӣ хабар доданд.
Рӯзҳои 20-ум ва 21-уми марти соли равон ба истиқболи ҷашни Наврӯз Китобхонаи милии Тоҷикистон «Рӯзи дарҳои боз» доир кард. Дар ин ду рӯз ҳамаи толорҳои хониш дарҳои худро ба рӯйи касоне, ки бори аввал меҳмон мешуданд, боз намуданд. Беш аз се ҳазор сокинони кишвар ва меҳмонони пойтахт вориди толорҳои хониш шуданд ва бо шароити Китобхонаи миллӣ ошно гаштанд. Дар ин рўз сокинони шаҳри Душанбе, омўзгорону донишҷўёни Донишгоҳи миллии Тоҷикистон, Донишгоҳи техникии Тоҷикистон ба номи академик М. Осимӣ, омўзгорон ва донишомӯзони Донишгоҳи тиҷорат, Донишгоҳи омӯзгории пойтахт ва дигар муассисаҳои таълимӣ, ҳамчунин, меҳмонони хориҷӣ аз Ҳиндустон, Россия, Эрон, Афғонистон ва Чин вориди Китобхона шуданд.
Кормандони масъули Китобхонаи миллии Тоҷикистон меҳмононро ба толорҳои хониш раҳнамоӣ карда, ба онҳо роҳҳои ҷустуҷӯи адабиёт ва дархости китобро нишон доданд ва бо намудҳои хизматрасониҳои ройгону шартномавии Китобхона шинос карданд. Ҳамчунин ба ҳамаи онҳое, ки ба таърихи китоб ва китобхона дар Тоҷикистон мароқ зоҳир карданд, саҳифаҳои ин таърихро варақгардон намуданд ва онҳоро бо китобдорӣ дар кишвар ва сайри таърихии он ошно сохтанд.
Тавре аз Китобхонаи миллӣ иттилоъ доданд, ҳадаф аз баргузории «Рӯзи Дарҳои боз» — ҷалби таваҷҷуҳи омма ба китоб ва китобхона аст.
Аз мактабҳои автомобилии Ташкилоти ҷамъиятии мададгори мудофиаи шаҳрҳои Ваҳдату Турсунзода 493 нафар ба сафи Артиши миллӣ мераванд
Имрӯз дар водиҳои Тоҷикистон ҳаво то 25 дараҷа гарм мешавад
Обуҳавошиносон дар Шанхай шуруъ аз соли 1945 бори нахуст дар моҳи март гармии 30 дараҷаро сабт намуданд
Имрӯз дар Тоҷикистон ҳавои тағйирёбанда пешгӯӣ мешавад
Коршиносони СҲШ оид ба тағйирот дар қонунгузории миллӣ дар соҳаи мубориза бо маводи мухаддир табодули иттилоъ намуданд
«E-license». Иқдоми нав ба сӯи рақамикунонӣ дар Агентии амнияти химиявӣ, биологӣ, радиатсионӣ ва ядроии Тоҷикистон
Толорҳои алоқа – барои ҳама!
Вазири таҳсилоти олӣ, илм ва инноватсияҳои Узбекистон бо донишҷӯёни тоҷик мулоқот намуд
Имсол кишоварзони вилояти Хатлон дар 41 ҳазор гектар кишти пунбадонаи зери плёнка мегузаронанд
Ба Хоҷагии манзилию коммуналии шаҳри Гулистон техникаҳои нав супорида шуд
Муқаддас Султонова: «Дар нақши чаканамон табиати зебои Тоҷикистонро тасвир менамоем»
Имсол дар Тоҷикистон дар чанд гектар кишти пунбадона гузаронида мешавад?
