«Суғдсинамо» давоми ду сол панҷ филмро ба навор гирифтааст
ХУҶАНД, 02.03.2017. /АМИТ «Ховар»/. 1 март дар Кохи матбуоти шаҳри Хуҷанд нишасти хабарии Муассисаи давлатии «Суғдсинамо» ба номи Комил Ёрматов бо иштироки васеи рӯзноманигорони ВАО-и вилоят доир гардид. Зимни нишаст роҳбарияти муассисаи «Суғдсинамо» доир ба фаъолияти дусолаи худ-шурӯъ аз 1 марти соли 2015 ҳисобот доданд.
Ба иттилои хабарнигори минтақавии АМИТ «Ховар», директори «Суғдсинамо» Муҳиддини Музаффар зимни нишаст гуфт, ки дар давоми ду сол аз ҷониби аҳли эҷоди ин киностудия панҷ филми ҳунарӣ ба навор гирифта шудаанд. Инҳо филмҳои «Паймон», «Коса», «12 соли интизорӣ», филмҳои ҳуҷҷатии «Духтари Сайҳун» ва «Тангно» ба ҳисоб мераванд. Аз ҷумла, филми «Коса» дар фестивалҳои байналмилалӣ дар шаҳрҳои Лондон, Қазони Россия ва шаҳри Душанбе иштирок намуда, соҳиби ҷоизаҳои хоса гардидааст.
Филми охирини ин киностудия- «Тангно» аз рӯи асари Нависандаи халқии Тоҷикистон Сорбон давоми 75 рӯз дар ҷамоати Амондараи шаҳри Панҷакент ба навор гирифта шудааст. Пас аз тадвину таҳия интизор меравад, ки он моҳи сентябри соли равон ба намоиш гузошта шавад.
Ба гуфти директори «Суғдсинамо», эҷоди фазои филмофарӣ дар вилояти Суғд дар замони соҳибистиқлолӣ бесобиқа ба ҳисоб рафта, он чун як соҳаи ояндадору даромаднок дар оянда рушд хоҳад кард. Зеро то имрӯз гурӯҳи эҷодии «Суғдсинамо» дар давоми ду соли фаъолият аллакай боварии тамошобинро ба даст оварда, ҳамзамон дар самти рушди кинои миллӣ дар вилоят қадамҳои нахустини устувор гузоштааст. Умед аст мактаби филмофарӣ ва ҳам тарбияи ҳунармандону бозингарони филм низ ташаккул ёбад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
