Адибону ҳунармандон-дар меҳмонии бинокорони НБО-и Роғун
ДУШАНБЕ, 26.04.2017 /АМИТ «Ховар»/. Дар даврони соҳибистиқлолии Ҷумҳурии Тоҷикистон Пешвои миллат муҳтарам Эмомалӣ Раҳмон ба хотири таъмини зиндагии шоиста барои мардуми шарафманди тоҷик се самти асосию стратегии Ҳукумати Ҷумҳурии Тоҷикистонро интихоб намуданд, ки яке аз онҳо расидан ба истиқлолияти энергетикӣ мебошад. Ин суханро Муҳиддин Пайшанбезода, мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа имрӯз зимни сафари кории гурӯҳи таблиғотиву ташвиқотӣ ҷиҳати суҳбату мулоқот бо ҳайати кормандони НБО-и Роғун иброз дошт.
Тавре мухбири АМИТ «Ховар» хабар медиҳад, гурӯҳи кориро Муҳиддин Пайшанбезода, мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа роҳбарӣ намуда, ба ҳайати он Шоири халқии Тоҷикистон Назри Яздон, Нависандаи халқии Тоҷикистон Кароматулло Мирзо, директори Институти иқтисодиёт ва демографияи Академияи илмҳои Ҷумҳурии Тоҷикистон Лутфулло Саидмуродов, муовини директори Институти таърих, бостоншиносӣ ва мардумшиносии ба номи Аҳмади Дониши Академияи илмҳои Ҷумҳурии Тоҷикистон Абдуллоҷон Ғафуров ва дигарон шомил буданд.
Зимни мулоқот зикр гардид, ки пас аз соҳибистиқлол гардидани Ҷумҳурии Тоҷикистон Пешвои миллат муҳтарам Эмомалӣ Раҳмон ба сохтмони ин иншооти барои миллати тоҷик муҳим ва тақдирсоз таваҷҷуҳи махсус зоҳир намуда, 10 октябри соли 2016 зимни суханронии худ дар маросими иваз кардани маҷрои дарёи Вахш чунин гуфтанд: «Моҳи декабри соли 2018 неругоҳи Роғун ба истеҳсоли неруи барқ оғоз мекунад ва нури Роғун дастраси ҳар як хонадони мардуми Тоҷикистон гашта, барои расидан ба истиқлолияти энергетикӣ қадами ниҳоӣ гузошта мешавад».
Шоиру нависандагон дар назди кормандони неругоҳи барқи обии Роғун дар васфи ин иншооти азими аср шеърҳо хонда, онҳоро ба меҳнати созанда даъват карданд. Ҳунармандони ансамбли «Дарё»-и назди Кумитаи телевизион ва радио бо суруду таронаҳои ватандӯстона хотири бинокорони ин иншооти асрро болида намуданд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
