Дар Душанбе намоиши мусаввараҳои Фарҳод Давлатов баргузор мегардад

ДУШАНБЕ, 10.04.2017 /АМИТ «Ховар»/. Пагоҳ, 11 апрели соли равон соати 18:00 дар чойхонаи «Машрабия»-и меҳмонхонаи «Серена» маросими ифтитоҳи намоиши мусаввараҳои рассом Фарҳод Давлатов баргузор мегардад. Дар ин бора аз Вазорати фарҳанги Ҷумҳурии Тоҷикистон ба АМИТ «Ховар» хабар доданд.
Ба иттилои манбаъ, дӯстдорони санъати тасвирӣ метавонанд аз намоишгоҳи мазкур то 28 апрели соли равон дидан намоянд.
«Фарҳод Давлатов хатмкардаи Коллеҷи ҷумҳуриявии рассомии ба номи М. Олимов ва узви Иттифоқи рассомони Тоҷикистон мебошад. Асарҳои ӯ дар шаҳрҳои Дубай, Шанхай, Санкт-Петербург ва Гуанҷу намоиш дода шудаанд»,- иттилоъ доданд аз маркази матбуотии Вазорати фарҳанги Ҷумҳурии Тоҷикистон.
Мусаввараҳои Фарҳод Олимов бештар инъикосгари табиати зебои Тоҷикистон мебошанд.