Дар Москва масъалаи муҳоҷирати ғайриқонунӣ баррасӣ гардид
ДУШАНБЕ, 11.04.2017 /АМИТ «Ховар»/. Ҳафтаи сипаригардида Вазорати корҳои дохилии Федератсияи Россия дар шаҳри Москва ҷаласаи ХХ ҳамоҳангсозии Шӯрои роҳбарони мақомоти салоҳиятдори давлатҳои аъзои Созмони Аҳдномаи амнияти дастаҷамъонаро (СААД) дар мавзӯи мубориза бо муҳоҷирати ғайриқонунӣ баргузор намуд.
Тавре аз Маркази матбуоти Вазорати корҳои дохилии Ҷумҳурии Тоҷикистон хабар доданд, ҷаласаи мазкур таҳти роҳбарии Александр Горовой, генерал-полковники политсия, муовини якуми Вазири корҳои дохилии Федератсияи Россия бо иштироки ҳайати намояндагони мақомоти кишварҳои аъзои СААД, кумитаи иҷроияи ИДМ, Комиссияи иқтисодии АвруОсиё, Хадамоти ҳамоҳангсози Шӯрои роҳбарии қӯшунҳои сарҳадии ИДМ, Бюрои ҳамоҳангсозии мубориза бо ҷиноятҳои муташаккил ва дигар намудҳои ҷиноятҳои хавфноки ИДМ (БКБОП), инчунин ташкилотҳои байналмилалӣ баргузор гардид.
Дар ҷаласа аз ҷониби Ҷумҳурии Тоҷикистон Зумрад Абдуллозода, полковники милитсия, сардори Раёсати ҳамкории байналмилалии Вазорати корҳои дохилии Ҷумҳурии Тоҷикистон ширкат намуд.
Иштирокдоони ҷаласа вазъи муҳоҷиратро дар давлатҳои аъзои СААД, лоиҳаи «Созишнома оид ба ҳамкории миёни кишварҳо дар самти мубориза бо муҳоҷирати ғайриқонунӣ», омодакунии мутахассисони соҳа ва дигар мавзӯъҳои дахлдорро мавриди баррасӣ қарор дода, таъсирбахшии чорабиниҳои роҳандозишудаи самти муқобилият ба муҳоҷирати ғайриқонуниро баҳогузорӣ намуданд. Ҳамчунин ширкаткунандагон вобаста ба иштироки ҷузъу томҳои мақомоти корҳои дохилӣ дар чорабиниҳои соли 2016 дар самти муҳоҷират роҳандозишуда, чорабиниҳои фаврӣ-ҷустуҷӯӣ ва амалиёти махсус дар мубориза бо савдои одамон мубодилаи афкор намуданд.
Пас аз баррасии масъалаҳои рӯзномаи ҷаласа иштирокдорон ба қарор омаданд, ки ҳамкории миёни мақомоти салоҳиятноки давлатҳои аъзои СААД дар самти назорат аз болои раванди муҳоҷират ва мубориза бо муҳоҷирати ғайриқонунӣ боз ҳам тақвият дода шавад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
