Голи ягонаи Ҷонона ба дастаи Тоҷикистон ғалаба овард
ДУШАНБЕ, 04.04.2017/АМИТ «Ховар»/. Дастаи мунтахаби бонувони Тоҷикистон оид ба футбол дар нахустин вохӯрӣ дар бозиҳои интихобии Ҷоми Осиё-2018 дар гурӯҳи «А», ки дар шаҳри Душанбе идома дорад, бар дастаи мунтахаби Ироқ бо ҳисоби 1:0 пирӯз шуд. Ҷонона Ҳалимова дар дақиқаи 87-ум дарвозабони дастаи мунтахаби Ироқ Халат Асаад Мустафоро маҷбур кард, ки тӯбро аз дохили дарвозааш гирад.
Дар бозиҳои рӯзи аввали гурӯҳи «А» дастаи мунтахаби Урдун бо натиҷаи калони 6:0 дастаи Баҳрайнро шикаст дод. Дар ин вохӯрӣ ҳамлагари мизбонони бозиҳои ниҳоии Ҷоми Осиё-2018-дастаи мунтахаби Урдун Майса Ҷбараҳ ба дарвозаи Баҳрайн се гол зада, аввалин ҳет-трикро ба номи худ сабт кард. Голи нахустини мусобиқа аз ҷониби Шаҳноз Ҷабрин дар дақиқаи 9-ум вориди дарвозаи дастаи мунтахаби Баҳрайн гардид.
Дар бозии сеюми рӯз дастаҳои мунтахаби Филиппин ва Амороти Муттаҳидаи Араб бо ҳам қувва озмуданд. Малакаю маҳорати футболбозони Филиппин аз бозингарони Амороти Мутаҳидаи Араб беҳтар буд ва онҳо бо натиҷаи 4:0 ғалаба карданд.
Ба ҳамин тартиб, се даста Урдун, Филиппин ва Тоҷикистон соҳиби се имтиёзӣ гардиданд ва мубориза барои як роҳхат ба бозиҳои финалӣ дар даврҳои минбаъда тезутунд мегардад.
Бозиҳои интихобии Ҷоми Осиё-2018. Гурӯҳи «А», шаҳри Душанбе
Ироқ — Тоҷикистон 1:0
Гол: Ҷонона Ҳалимова, 87
Ҳайати дастаи мунтахаби бонувони Тоҷикистон:
Сахина Саидова, Насиба Олимова, Афрӯз Шарифова (Шукронаи Ҷумъахон,83), Ҷонона Ҳалимова (Лайло Ҳалимова, 89), Ирода Ҷӯраева, Сайрам Холназарова, Наталя Сотникова, Мадинаи Искандарӣ, Нодира Мирзоева, Марҷона Файзуллоева (Мавҷуда Сафарова,89).
Огоҳӣ: Бунайи Усмон Шариф (Ироқ), Наталя Сотникова, Муниса Мирзоева (Тоҷикистон)
Довари майдон: Панса Чайсанит (Таиланд).
Баҳрайн Урдун -6:0
Гол: Шаҳноз Ҷебрин, дақиқаи 9-ум, Майса Ҷбараҳ, 22, 30, 43, Стефани ал-Набир 86, Луна ал-Масрӣ, 90.
Филиппин Амороти Муттаҳидаи Араб -4:0
Гол: Ива Мадаранг, 14, 45+1,Ириш Наваҷа, 49, Сара Изабел Кастанеда, 54.
Даври 2-юм
5 апрел (чоршанбе)
13:00 Филиппин — Ироқ
16:00 Баҳрайн — Тоҷикистон
19:00 Урдун — ИМА








Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд






