Иштироки ҳайати Тоҷикистон дар ҷаласаи Шӯрои вазирони корҳои хориҷии ИДМ дар шаҳри Тошканд

Апрель 7, 2017 16:31

ДУШАНБЕ, 07.04.2017 /АМИТ «Ховар»/. Ҳайати Ҷумҳурии Тоҷикистон бо роҳбарии Вазири корҳои хориҷии Ҷумҳурии Тоҷикистон С. Аслов 7 апрели соли 2017 дар ҷаласаи Шӯрои вазирони корҳои хориҷии Иттиҳоди Давлатҳои Мустақил дар шаҳри Тошканд иштирок кард.
Дар ҷаласа вазирони корҳои хориҷӣ масъалаҳои сиёсӣ, иқтисодӣ ва иҷтимоию гуманитариро баррасӣ намуданд. Қарор оид ба гузаронидани машваратҳо дар сатҳҳои гуногун байни вазоратҳои корҳои хориҷӣ, Изҳороти муштарак оид ба роҳ надодан ба табъиз ва таҳаммулнопазирӣ нисбат ба ҳамаи мазҳабҳои динӣ қабул шуда, масъалаҳои марбут ба сохтори кадрии ИДМ, муассисаҳои заминавии давлатҳои аъзои ИДМ оид ба тайёр кардан ва такмили ихтисоси мутахассисон барои мақомоти андоз (молия) ва барномаҳои таълимии таҳсилоти олии касбӣ ва касбии иловагӣ баррасӣ шуданд.
Дар ҳошияи ҷаласа мулоқоти дуҷонибаи Вазири корҳои хориҷии Ҷумҳурии Тоҷикистон С. Аслов бо вазирони корҳои хориҷии Ӯзбекистон, Қирғизистон ва Қазоқистон, инчунин мулоқоти панҷгонаи вазирони корҳои хориҷии кишварҳои Осиёи Марказӣ доир гардид, ки зимни он ҷонибҳо оид ба вазъи минтақа, самтҳои муҳими ҳамкорӣ, инчунин робитаҳо дар доираи созмонҳои байналмилалӣ ва минтақавӣ табодули афкор намуданд.

Апрель 7, 2017 16:31

Хабарҳои дигари ин бахш

Президенти Сингапур бо сафири Тоҷикистон мулоқот намуд
Cафири Тоҷикистон ба Президенти Узбекистон эътимоднома супорид
Вазорати корҳои хориҷии Тоҷикистон аз ҳамлаи мусаллаҳона дар марз хабар дод
Тоҷикистон нишасти намояндагони доимии Осиёи Марказӣ дар СММ-ро баргузор намуд
Таҳти раисии намояндаи Тоҷикистон ҷаласаи Шурои намояндагони доимии ИДМ баргузор шуд
Cафири Тоҷикистон бо Вазири корҳои хориҷии Муғулистон мулоқот намуд
Дар Душанбе татбиқи лоиҳаҳои афзалиятноки иқтисодиву иҷтимоӣ байни Тоҷикистону Корея баррасӣ шуд
Сафири Тоҷикистон дар Парлумон ва Палатаи савдо ва саноати Муғулистон мулоқот анҷом дод
Дар Душанбе машваратҳои сиёсӣ байни Тоҷикистону Эрон доир шуд
Дар Боку ҷашнҳои давлатии Тоҷикистон таҷлил карда шуд
Тоҷикистон ва Эрон масоили ҳамкории дуҷониба ва бисёрҷонибаро мавриди баррасӣ қарор доданд
Дар Теҳрон ҳамкории дуҷонибаи Тоҷикистону Эрон баррасӣ гардид