Кӯлоб: дар қисмати поёнии сойи Тебалай корҳои соҳилмустаҳкамкунӣ идома доранд

КӮЛОБ, 25.04.2017. /АМИТ «Ховар»/. Бо дастгирии Ҳукумати Ҷумҳурии Тоҷикистон ва Ҷамъияти саҳҳомии пӯшидаи «Фароз» айни замон дар масофаи 1000 метр дар қисмати поёнии сойи Тебалай, ки аз ҳудуди ҷамоти деҳоти Кўлоби шаҳри Кўлоб мегузарад, корҳои соҳилбандӣ идома доранд.
Тавре Хуршед Ашурмадов, раиси ҷамоати деҳоти Кўлоб иттилоъ дод, «соли 2010 бар асари омадани сел маҳз ҳамин мавзеъ рахна гардида, ба даҳҳо хонаҳои истиқоматии сокинони ҷамоати деҳоти Кӯлоб ва садҳо гектар заминҳои кишт зарар расонид. Сангу шағали дохили сойро барои мустаҳкам кардани соҳилҳо истифода менамоянд».
Баҳри бехавфу хатар паси сар намудани рўзҳои сербориш ва эмин нигоҳ доштани мавзеъҳои хатарзо аз офати табиӣ комиссияи ҳолатҳои фавқулода таъсис дода шудааст, ки тариқи навбатдории шабонарӯзӣ ва сафарбар намудани техникаи зарурӣ корҳои зиёдеро ба анҷом мерасонад.