Машғулиятҳо аз рӯи лоиҳаи «Футзал дар мактабҳо» ҷамъбаст гардиданд
ДУШАНБЕ, 15.04.2017/АМИТ «Ховар»/. Дар шаҳри Душанбе машғулиятҳо аз рӯи лоиҳаи «Футзал дар мактабҳо» барои омӯзгорони фанни тарбияи ҷисмонии мактабҳои таҳсилоти умумӣ, ки бо иқдоми ФФТ, Федеартсияи футболи шаҳри Душанбе (ФФД), Вазорати маориф ва илм ва Кумитаи ҷавонон, варзиш ва сайёҳии назди Ҳукумтати Ҷумҳурии Тоҷикистон гузаронида шуд, ба анҷом расиданд.
Роҳбари ФФД Анваршо Мирзоев изҳор намуд, ки «Футбол дар Тоҷикистон солҳои охир бо суръати баланд тараққӣ мекунад ва мо дар Соли ҷавонон лоиҳаи «Футзал дар мактабҳо»-ро амалӣ кардем. Дар мусобиқаҳо ширкат карда, ҳар як хонанда орзу мекунад, ки соҳиби Ҷом гардад, мусобиқаҳо бохту пирӯзӣ доранд, гоҳе маъюс мешаванду гоҳи дигар хурсанд, онҳо дар ин муҳит ҳамчун варзишгар ва шахсият месабзанд. Боварӣ дорам, ки мусобиқаҳо ҷолибу шавқовар ва дар рӯҳияи баланди варзишӣ мегузаранд. Ба ҳамаи омӯзгороне, ки дар ин машғулиятҳо иштирок карданд, изҳори минатдорӣ мекунам ва ба онҳо комёбӣ орзу менамоям».
Сармутахассиси Идораи таҳсилоти умумии Вазорати маориф ва илми мамлакат Вайсиддин Исмоилов аз ин иқдом ва ривоҷу равнақи футбол дар мактабҳо изҳори қаноатмандӣ карда, баён дошт, ки лоиҳаи «Футзал дар мактабҳо» ягона лоиҳаи ҳамкорӣ бо ФФТ ва ФФД набуда, гузаронидани бисёр мусобиқаҳои варзишӣ дар оянда дар назар аст.
Дар ин машғулиятҳо 83 нафар муаллимони фанни тарбияи ҷисмонӣ иштирок карда, бо либосҳои варзишӣ ва тӯбҳои футзал ва футбол, инчунин китобҳо таъмин шуданд.








Варзишгарони тоҷик аз мусобиқаҳои байналмилалӣ 958 медал ба даст оварданд
ЛИГАИ ЧЕМПИОНҲО-2-И ОСИЁ. Имрӯз дастаҳои футболи «Истиқлол» ва «Ал-Наср» бо ҳам бозӣ мекунанд
9 паҳлавони тоҷик дар Мусобиқаи байналмилалии Abu Dhabi Grand Slam -2025 иштирок мекунанд
Ҳайати дастаи футболи «Ал-Наср»-и Арабистони Саудӣ барои бозӣ бо «Истиқлол» ба Душанбе омад
ЧЕМПИОНАТИ CAFA-2025. Дастаи мунтахаби занонаи то 18-солаи Тоҷикистон бо дастаи занонаи Узбекистон бозиро мусовӣ кард
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд






