Вазорати маорифи Федератсияи Россия ба унвони таърихшиноси тоҷик номаи миннатдорӣ ирсол намуд
ДУШАНБЕ, 12.04.2017 /АМИТ «Ховар»/. Моҳи феврали соли 2017 матбааи «Контраст»-и шаҳри Душанбе чорумин китоби иловашуда, ислоҳшуда ва ниҳоии «История России: учебное пособие для таджикских трудовых мигрантов»-ро («Таърихи Россия: китоби дарсӣ барои муҳоҷирони меҳнатии тоҷик») нашр кард. Дар нашри чорум (220 саҳ.) боби сеюми китоб, ки давраи Шӯравӣ ва пасошӯравии таърихи Россияро фаро мегирад, илова шудааст. Ин иловаҳо масъалаҳои шадиди баҳсбарангези таърихи давраҳои дар боло зикршударо дар бар мегиранд.
Ин китоби дарсиро доктори илмҳои таърих, мушовири калони бахши Ёрдамчии Президенти Ҷумҳурии Тоҷикистон оид ба робитаҳои хориҷӣ Зафар Сайидзода тартиб дода, дубора ба табъ расонид. Сармуҳарри ин китоб доктори илмҳои филологӣ, профессори кафедраи таърих ва назарияи журналистика ва ВАО-и электронии Донишгоҳи славянии Тоҷикистону Россия Масрур Абдуллоев мебошад.
11 апрели соли равон аз Вазорати маориф ва илми Федератсияи Россия дар робита ба нашри чоруми китоби «История России: учебное пособие для таджикских трудовых мигрантов» ба унвони З. Сайидзода мактуб ирсол гардид. Дар он Департаменти сиёсати давлатӣ дар соҳаи таълими кӯдакон ва ҷавонони Вазорати маорифи Федератсияи Россия ба муаллиф ва мураттиби ин китоб изҳори миннатдорӣ намудааст.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
