18 нафар сокинони аз офати табиӣ зарардида соҳиби хонаҳои замонавӣ гардиданд
ДУШАНБЕ, 18.05.2017 /АМИТ «Ховар»/. Ба 18 нафар сокинони Ҷамоати деҳоти Саричашмаи ноҳияи Шамсиддин Шоҳин, ки баҳори соли 2014 бар асари боришоти зиёд манзилҳои истиқоматиашон вайрону валангор шуда буданд, хонаҳои замонавӣ ва ҷавобгӯ ба тамоми талаботи муосир супорида шуданд.
Тавре ба АМИТ «Ховар» аз Мақомоти иҷроияи ҳокимияти давлатии ноҳияи Шамсиддини Шоҳин хабар доданд, калиди ин манзилҳо дар вазъияти тантанавӣ бо иштироки муовини раиси вилояти Хатлон Раҷабалӣ Раҷабов, раиси ноҳияи Шамсиддини Шоҳин Почохон Зарифзода ва намояндаи Созмони Милали Муттаҳид Ян Харф ба соҳибонашон тақдим гардид.
Муовини раиси вилоят Раҷабалӣ Раҷабов таъкид кард, ки ин иқдом бо дастури бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амалӣ гардид. Мавсуф ҳамчунин оид ба дастгириҳои бевоситаи давлату ҳукумат дар рушду инкишофи манотиқи вилояти Хатлон, махсусан ноҳияи Шамсиддини Шоҳин ибрози андеша намуда, сокинони ин русто, махсусан онҳоеро, ки соҳиби хонаи нав гардиданд, баҳри саҳм гузоштан дар ободии Ватан даъват кард.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
