«Ҷавонон вориси арзандаи Пешвои миллат мебошанд»-бардошт аз ҳамоиш дар шаҳри Душанбе
ДУШАНБЕ, 23.05.2017. /АМИТ Ховар/. Субҳи имрӯз бахшида ба Рӯзи ҷавонони Тоҷикистон дар «Боғи Парчами миллӣ» ҳамоиши ҷавонони пойтахт доир гардид.
Дар ҳамоиш гуфта шуд, ки ҷавонони ватандӯсту худогоҳи кишвар аз ғамхорию дастгириҳои пайвастаи Пешвои миллат ва эълон гардидани Соли ҷавонон ниҳоят сарфароз мебошанд. Ин иқдоми Президенти Ҷумҳурии Тоҷикистон масъулияти ҳар як ҷавони бонангу номусро дар назди миллату давлат дучанд мегардонад.
Аз ҷумла, Ҳамроз Умриддинов, хонандаи синфи 11-и яке аз мактабҳои пойтахт иброз дошт, ки таваҷҷуҳи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба насли ҷавон моро водор месозад, ки дар бунёди ҷомеаи ҳуқуқбунёд, демократӣ, дунявӣ ва рушду нумуи Тоҷикистон саҳмгузор бошем ва вориси арзандаи Пешвои миллат гардем.
«Ҷавонони имрӯза пайрави ҳақиқии насли калонсол буда, пайваста ба илмомӯзию доништалабӣ ва корҳои ободонию созандагӣ ба манфиати миллату давлати хеш машғуланд. Имрӯз мо насли ҷавонро лозим аст, ки барои халқу ватан хизмати арзанда намоем. Зеро неруи мо ҷавонон дар якдилию муттаҳидии мо мебошад»,-гуфт Ҳамза Ятимов, донишҷӯи Донишгоҳи миллии Тоҷикистон.
Дар ҳамоиш зикр гардид, ки имрӯз ҷавонони мо дуруст дарк кардаанд, ки ширкати фаъолона ва саҳмашон дар марҳалаи кунунии ободсозии ватан ба манфиати худи онҳо мебошад. Ҷавонони даврони истиқлолият бояд таҳаввулоту равандҳои ҷаҳони муосирро дуруст дарку таҳлил намуда, барои омӯзиши илму донишҳои замонавӣ, техникаву технологияҳои иттилоотиву коммуникатсионӣ ва забонҳои хориҷӣ пайваста азму талош кунанд.
Дар анҷоми ҳамоиш барномаи фарҳангии ҳунармандони маъруфи ҷумҳурӣ, ки фарогири суруду таронаҳои ватандӯстона буд, барпо гардид.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
