Ба таваҷҷуҳи ронандагон: музоядаи навбатии аломатҳои қайди давлатӣ баргузор мегардад

ДУШАНБЕ, 19.05.2017. /АМИТ «Ховар»/. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон ба таваҷҷуҳи соҳибони воситаҳои нақлиёт мерасонад, ки  27 майи соли равон аломати қайди давлатии силсилаи «ЕА» — 01 ба таври музояда ба фурӯш гузошта мешавад.

Тавре аз Вазорати корҳои дохилӣ хабар доданд, музояда соати 10:00, дар толори РБДА гузаронида шуда, нархи як лот 630 сомониро ташкил медиҳад.

Ба иттилои манбаъ, қабули дархостҳо ва барасмиятдарории ҳуҷҷатҳо барои иштирок дар музояда се рӯз пеш аз гузаронидани музояда ба охир мерасад.

Маълумоти муфассалро оид ба гузаронидани музояда метавонед тавассути телефонҳои 235-79-29 ва 236-09-34 дастрас намоед.