Барномаи фарҳангӣ бахшида ба Рӯзи Ғалаба дар Донишкадаи давлатии забонҳои Тоҷикистон
ДУШАНБЕ, 05.05.2017. /АМИТ «Ховар»/. Имрӯз дар Донишкадаи давлатии забонҳои Тоҷикистон ба номи Сотим Улуғзода бахшида ба 72-юмин солгарди Ҷанги дуюми ҷаҳонӣ бо иштироки собиқадорони ҷангу меҳнат ва устодону донишҷӯён барномаи фарҳангӣ баргузор шуд.
Тавре аз донишкадаи мазкур хабар доданд, Маҳмадулло Раҷабзода, ректори донишкада ҷавононро барои гиромӣ доштани Ватан талқин карда, зикр намуд, ки маҳз бо талошҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон дар фазои биҳиштосои кишвар нафаси тоза кашида, осуда зиндагӣ менамоем.
Ҳикматулло Абдуллозода, устоди донишкада аз таърихи Ҷанги дуюми ҷаҳонӣ қисса намуда, саҳми тоҷиконро дар ин ҷанг назаррас донист. Сайфиддин Акрамов, собиқадори меҳнат ва Файзулло Бобоев иштирокчии ҶДҶ сухан гуфта, ҷавононро ба ватандӯстию далерӣ ҳидоят намуданд.
Аз ҷониби донишҷӯёни факултаи филологияи руси донишкада барномаи фарҳангӣ пешкаши ҳозирин гардид.
Ба собиқадорони ҷангу меҳнат туҳфаҳои молию пулӣ тақдим карда шуд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
