Барои истифодаи симкортҳои ғайриқонунӣ ҷавобгарии ҷиноятӣ пешбинӣ мешавад
ДУШАНБЕ, 05.05.2017. /АМИТ «Ховар»/. 2 майи соли равон дар Вазорати корҳои дохилии Ҷумҳурии Тоҷикистон ҷаласаи якҷояи Вазорати корҳои дохилии ҶТ, Кумитаи давлатии амнияти миллӣ ва Хадамоти алоқаи назди Ҳукумати Ҷумҳурии Тоҷикистон бо иштироки намояндагони ширкатҳои мобилӣ баргузор гардид.
Тавре аз Вазорати корҳои дохилӣ хабар доданд, дар ҷаласа масъалаҳои ба танзим даровардани симкортҳои мобилӣ, азнавбақайдгирии онҳо ва бо ҳуҷҷатҳои тасдиқкунанда (шиноснома) тартиби ба фурӯш баровардани симкортҳо баррасӣ гардид.
Ҳамзамон қарор қабул карда шуд, ки барои фурӯши ғайриқонунии симкортҳои мобилӣ, истифодаи он аз тарафи шахси дигар ҷавобгарии маъмурӣ пешбинӣ шуда ва ҳангоми додани симкортҳо барои истифода ба шахсони ҷинояткор чунин шаҳрвандон ба ҷавобгарии ҷиноятӣ кашида мешаванд.
Ба иттилои манбаъ, лоиҳаи ин қарор рӯзҳои наздик ба Ҳукумати Ҷумҳурии Тоҷикистон пешниҳод карда мешавад.
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
