Дар доираи Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон филми ҳунарии «Ота» намоиш дода шуд
ДУШАНБЕ, 10.05.2017 /АМИТ «Ховар»/. Имрӯз дар кинотеатри «Кохи Наврӯз» Рӯзҳои кинои Ҷумҳурии Ӯзбекистон дар доираи Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон ифтитоҳ ёфтанд. Дар ин бора аз Вазорати фарҳанги Ҷумҳурии Тоҷикистон хабар доданд.
Ибодулло Машраб, муовини аввали Вазири фарҳанги Ҷумҳурии Тоҷикистон иброз дошт, ки Рӯзҳои фарҳанги Ҷумҳурии Ӯзбекистон ба шарофати сиёсати хирадмандонаи роҳбарияти ду кишвар ва кӯшишҳои вазоратҳои фарҳанги Тоҷикистону Ӯзбекистон ба ҷашни бузург табдил ёфт.
«Синамогарони ӯзбек дар солҳои пешин дар офаридани шоҳасарҳои синамо ҳиссаи бузург гузоштаанд. Мо медонем, ки дӯстони ӯзбеки мо дар филмофарӣ таҷрибаи ғанӣ доранд. Ин анъанаро арбобони имрӯзаи синамо сарбаландона идома медиҳанд», — изҳор дошт Ибодулло Машраб.
Минҳоҷиддин Ҳоҷиматов, муовини якуми Вазири фарҳанги Ҷумҳурии Ӯзбекистон, роҳбари ҳайати расмӣ зикр намуд, ки баргузории Рӯзҳои фарҳанги Ҷумҳурии Ӯзбекистон нишонаи он аст, ки дӯстии байни Ӯзбекистон ва Тоҷикистон сол то сол ривоҷ меёбад. Филмофарони тоҷику ӯзбек дар гузашта ҳамкории зич доштанд ва ин ҳамкорӣ минбаъд низ идома меёбад.
Сипас, филми ҳунарии «Ота» (Падар) намоиш дода шуд. Филм доир ба муносибатҳои байни падару модарон ва фарзандон дар оила, муқаддас донистани оила ва арзишҳои маънавии он нақл мекунад. Коргардони филм Абдухалил Мигнаров буда, нақши асосиро дар он Ҳунарпешаи шоистаи Ӯзбекистон Маъруф Отаҷонов иҷро кардааст.
Филм дар чандин фестивалҳо дар Ҷумҳурии Ӯзбекистон сазовори ҷоизаҳо гардида, аҳамияти тарбиявӣ дорад.
12 майи соли равон соати 14:00 дар кинотеатри «Кохи Наврӯз» Рӯзҳои кинои Ӯзбекистон идома ёфта, филми ҳунарии коргардони ӯзбек Акбар Бектурдиев «Ойқиз эртаги» («Афсонаи дар бораи духтари моҳлиқо») намоиш дода мешавад.
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
