Дар рӯзи Дави миллӣ дар Тоҷикистон ҳавои тағйирёбандаи бебориш дар назар аст

ДУШАНБЕ, 19.05.2017 /АМИТ «Ховар»/. Ҳамасола якшанбеи сеюми моҳи май дар Тоҷикистон Рӯзи Дави миллӣ баргузор мегардад.  Имсол ин сана ба   21 май рост омад.

Агентии обуҳавошиносии  Тоҷикистон   ба таваҷҷуҳи шаҳрвандон ва меҳмонони кишвар мерасонад, ки 21 май дар қаламрави мамлакат ҳавои тағйирёбандаи бебориш дар назар аст.

Бар асоси пешгӯии ин марказ,   21 май  дар  Вилояти Мухтори Кӯҳистони Бадахшон   ҳавои тағйирёбандаи бебориш  шуда,    дар ғарби вилоят ҳаво  шабона  6-11  ва рӯзона 22-27 дараҷа гарм мешавад. Дар шарқи ин вилоят шабона -2+3 дараҷа   ва рӯзона 12-17  дараҷа гарм мешавад.

Дар вилояти Хатлон  ҳавои мусоид дар назар буда, ҳарорати ҳаво   шабона  аз 16-22 то  19-24  ва рӯзона аз 30-35 то 35-40 дараҷа гарм хоҳад шуд.

Дар  вилояти Суғд ҳавои тағйирёбанда шуда,   дар водиҳо ҳаво  шабона аз 15-20 то 19-24  ва рӯзона аз 30-35 то 33-38 дараҷа  гарм хоҳад шуд.

Дар ноҳияҳои тобеи марказ  ҳаво қисман абрноки бебориш  шуда,  дар водиҳо шабона аз 11-16 то 14-19  ва рӯзона аз 28-33  то 33-38 дараҷа гарм мешавад.

Дар шаҳри Душанбе  ҳавои тағйирёбанда  шуда,  гармии ҳаво шабона 14-16  ва рӯзона 35-37  дараҷаро ташкил медиҳад.