Дар Қӯшунҳои сарҳадӣ вобаста ба фаъолияти хизматӣ-ҷангӣ дар моҳи апрел ҷаласа баргузор гардид
ДУШАНБЕ, 09.05.2017. /АМИТ «Ховар» /. Дар Қӯшунҳои сарҳадии КДАМ ҶТ бо иштироки фармондеҳи Қӯшунҳои сарҳадӣ, муовинони фармондеҳ ва сардорони раёсатҳо ҷаласаи ҷамъбастии фаъолияти хизматӣ-ҷангӣ дар моҳи апрели соли 2017 баргузор гардид, — иттилоъ доданд ба АМИТ «Ховар» аз хадамоти матбуоти Қӯшунҳои сарҳадии мамлакат.
Хизматчиёни мақомоти назорати сарҳадӣ дар гузаргоҳҳои сарҳади давлатӣ 81 нафар, аз ҷумла ду шахси дар кофтукоб буда ва ду нафар вайронкунандагони қоидаҳои будубоши шаҳрвандони хориҷиро боздошт намуда, ба мақомоти дахлдор супориданд. Сарҳадбонони мамлакат дар моҳи апрел дар якҷоягӣ бо дигар мақомоти қудратӣ 7 амалиёти махсус гузаронида, 42 нафар вайронкунандагони сарҳади давлатӣ ва вайронкунандагони низоми сарҳадиро боздошт намуданд. Ҳамчунин дар ин моҳ, 32 маротиба кӯшиши вайронкунии сарҳади давлатӣ пешгирӣ карда шуд.
Задухӯрдҳои мусаллаҳона бо қочоқчиёни маводи мухаддир 2 маротиба сурат гирифта, 22 нафар дастгир шуданд.
Дар натиҷаи амалиётҳо 3 адад яроқи оташфишони тамғаи гуногун, 171 дона тирҳои қутраш гуногун, 1 адад норинҷаки РГД-5, 6 адад дигар лавозимоти ҷангӣ дарёфту мусодира шудааст.
Дар ин муддат аз тарафи ҷузъу томҳои Қӯшунҳои сарҳадии КДАМ Ҷумҳурии Тоҷикистон дар якҷоягӣ бо мақомоти қудратии ҷумҳурӣ аз қочоқчиён ба миқдори 72 кило маводи мухаддир, аз ҷумла 0,5 кило героин, 33 кило ҳашиш, 6 кило афюн, 32 кило бангдона ва чарс дарёфт ва мусодира карда шуд.
Ҳамчунин аз хадамоти матбуоти Қӯшунҳои сарҳадӣ иттилоъ дода шуд, ки корҳои муҳандисӣ-техникӣ ва мустаҳкамкунии хати сарҳад идома доранд.
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
