Давлатшоҳ Гулмаҳмадзода: «Мардумони тоҷику ӯзбек аз қадим бо ҳам дӯсту бародар буданд»
ДУШАНБЕ, 12.05.2017/АМИТ «Ховар»/. 11 майи соли равон дар Театри мусиқӣ-мазҳакавии вилоятӣ ба номи А. Муҳаммадҷонови шаҳри Қӯрғонтеппа дар доираи Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон барномаи консертӣ баргузор гардид. Дар ин бора аз Вазорати фарҳанги Ҷумҳурии Тоҷикистон хабар доданд.
Сараввал раиси вилояти Хатлон Давлатшоҳ Гулмаҳмадзода зикр намуд, ки мардумони тоҷику ӯзбек аз қадим бо ҳам дӯсту бародар буда, чун як оилаи тифоқ зиндагӣ мекарданд.
«Мо бо Ӯзбекистон на танҳо сарҳади ягона дорем, балки урфу одат ва арзишҳои фарҳангиямон низ монанд мебошанд. Солҳост, ки риштаҳои иҷтимоӣ, таърихӣ ва фарҳангӣ моро бо ҳам мепайванданд»,- иброз дошт Давлатшоҳ Гулмаҳмадзода.
Ҳамчунин раиси вилояти Хатлон оид ба дӯстии байни ду намояндаи адабиёти тоҷик ва ӯзбек- Абдураҳмони Ҷомӣ ва Алишер Навоӣ, ки дар эҷодиёташон пайваста меҳру муҳаббат ва дӯстиву инсонпарвариро тараннум кардаанд, ҳарф зад.
Сипас, барономаи консертии ҳунарпешагони ӯзбек манзури аҳли толор шуда, сазовори баҳои баланд гардид.
Тавре аз маркази матбуоти Вазорати фарҳанги Ҷумҳурии Тоҷикистон хабар доданд, имрӯз, 12 май соати 14:00 дар кинотеатри «Кохи Наврӯз»-и шаҳри Душанбе Рӯзҳои кинои Ӯзбекистон идома ёфта, филми ҳунарии «Ойқиз эртаги» (Афсонаи моҳлиқо) намоиш дода мешавад.
Маросими ҷамъбасти Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон имрӯз соати 18:00 дар Театри давлатии академии опера ва балети ба номи С. Айнӣ барпо мегардад.
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
