Худобердӣ Холиқназар: «Ҳангома накунед! Баргузор накардани роҳпаймоии «Полки абадӣ» ҷанбаи сиёсӣ надорад»
ДУШАНБЕ, 05.05.2017. /АМИТ «Ховар»/. Имрӯз дар Душанбе бо ибтикори Маркази тадқиқоти стратегии назди Президенти кишвар бахшида ба солгарди Рӯзи Ғалаба бар фашизм ҳамоиш доир гардид. Дар ҳамоиш, ки дар арафаи 72-юмин солгарди ҷашни Ғалаба баргузор гашт, саҳми тоҷикон дар солҳои Ҷанги дуюми ҷаҳонӣ (1941-1945) баррасӣ шуд.
Дар ҳамоиш намояндагони корпусҳои дипломатии кишварҳои Иттиҳоди Давлатҳои Мустақил, инчунин вазорату идораҳо ва созмонҳои ҷамъиятӣ ширкат варзида, доир ба саҳми фарзандони миллати тоҷик дар таъмини музаффарияти халқҳои собиқ Иттиҳоди Шӯравӣ дар мубориза бар зидди фашизм ибрози назар намуданд.
Худобердӣ Холиқназар, директори Маркази тадқиқоти стратегии назди Президенти Ҷумҳурии Тоҷикистон дар ҳамоиши мазкур аз изҳороти АМИТ «Ховар» оид ба нақшабандӣ нашудани роҳпаймоии «Полки абадӣ», ки миёни ҷомеа андешаҳои мухталиф ба вуҷуд овардааст, ёдовар шуда, изҳор дошт, ки баргузор накардани роҳпаймоии «Полки абадӣ» ҷанбаи сиёсӣ надорад, балки танҳо ба далели таъмини бехатарии ширкаткунандагон рӯи даст гирифта шудааст.
Худобердӣ Холиқназар дар ҳамин ҳол аз рӯзноманигорон даъват кард, ки аз ин мавзӯъ «ҳангомасозӣ» накунанд.
Имрӯз дар Тоҷикистон ҳаво абрнок мешавад
Имрӯз дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
Байни Институти илмӣ-тадқиқотии сайёҳӣ ва соҳибкорӣ ва Иттифоқи дӯстии Роҳи абрешим дар Тоҷикистон шартномаи ҳамкорӣ ба имзо расид
Ҳавопаймо дар наздикии фурудгоҳи Вашингтон ба дарё афтод
Имрӯз дар Тоҷикистон ҳавои бебориш пешгӯӣ мешавад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
