Кормандони Мақомоти иҷроияи ҳокимияти давлатии ноҳияи Ванҷ соҳиби бинои замонавӣ мегарданд
ХОРУҒ, 29.05.2017. /АМИТ «Ховар»/. Сохтмони бинои сеошёнаи Мақомоти иҷроияи ҳокимияти давлатии ноҳияи Ванҷ идома дорад. Бинокорон ошёнаи аввали онро ба итмом расонда, ба бунёди ошёнаи дуюм шурӯъ карданд. Сохтмони бинои мазкурро Корхонаи воҳиди давлатии сохтмону таъмири Идораи хоҷагии Дастгоҳи иҷроияи Президенти Ҷумҳурии Тоҷикистон бар уҳда дорад ва дар марҳилаи аввал барои бунёди ин бино беш аз 8 миллион сомонӣ ҷудо гардидаст.
Корҳои сохтмонӣ дар бинои нави Мақомоти иҷроияи ҳокимияти давлатии ноҳияи Ванҷ як моҳ пеш оғоз шуданд ва шароити мусоиди корӣ имкон дод, ки бинокорон таҳкурсӣ ва ошёнаи аввали онро қариб ба итмом мерасонанд.
Муовини аввали раиси ноҳия Ҷаббор Қосим аз ҷараёни суръат ва сифати кор изҳори қаноатмандӣ намуда, афзуд, ки «ҳоло дар таъмини коргарон бо масолеҳи бинокорӣ ягон мушкил вуҷуд надорад. Мақомоти иҷроияи ҳокимияти давлатии ноҳия сифати кори бинокоронро назорат мекунад ва то ба ҳол ҳеҷ нуқсе дар корашон мушоҳида нашудааст».
Дар сохтмони ин бино коргарону мутахассисон аз манотиқи мухталифи кишвар саҳм мегузоранд, ки теъдодашон бештар аз 60 нафар мебошад. Барои бинокорон шароити хуби корӣ муҳайё шудааст.
Коргарон ҳар моҳ бо маоши хуб таъмин буда, кӯшиш менамоянд бинои мазкурро бо риояи меъёрҳои ҷаҳонии сохтмон мавриди истифода қарор диҳанд. Ин бино аз се ошёна иборат буда, утоқҳои барҳавои корӣ, маҷлисгоҳу долонҳои васеъ дорад. Пас аз муҳлати начандон дур кормандони Мақомоти иҷроияи ҳокимияти давлатии ноҳияи Ванҷ ба бинои замонавӣ мекӯчанд ва бо истифода аз чунин шароити мусоид дар пешрафти соҳаҳои мухталифи ҳаёти ҷомеа саҳми бештари худро мегузоранд.
Илова бар ин бинои хуштарҳу замонавӣ симои маркази ноҳияро боз ҳам зебову диданӣ месозад.
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
