Кумитаи иҷроияи ҲХДТ ҷавононро аъзои китобхона намуд
ДУШАНБЕ, 05.05.2017/АМИТ «Ховар»/. Бахшида ба Соли ҷавонон бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Душанбе дар Китобхонаи шаҳрии ба номи А. Лоҳутӣ таҳти унвони «Китоб ганҷинаи бебаҳо, сарчашмаи дониш, махзани хираду заковат» бо иштироки ҷавонони донишгоҳу донишкадаҳои пойтахт ҳамоиш доир гардид.
Ба иттилои мудири шуъбаи кор бо ҷавонони Кумитаи иҷроияи ҲХДТ дар шаҳри Душанбе Ҷамшед Олимов, ҷавонон бо толорҳои хониш, дастхатҳои қадимӣ, адабиёт бо забони форсӣ, рӯзномаву маҷаллаҳои даврӣ ва компютерӣ, инчунин бо шароити ин махзани илму ирфон шинос гардиданд.
Сипас, дар толори калони хониши ин муассиса ҳамоиш баргузор гардид, ки дар он оид ба нақши китоб дар рушду инкишофи зеҳнии ҷавонон ва ба воя расидани онҳо дар роҳи дурусти зиндагӣ сухан ронда шуд.
Пас аз ҳамоиш ҷавонон аъзои ин даргоҳи маънӣ гардида, ба 6 гурӯҳ ҷудо шуда, дар тамоми толорҳои хониши Китобхонаи шаҳрии ба номи А. Лоҳутӣ ба хониши китоб машғул гардиданд.
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
