Миёни Кумитаи ҳолатҳои фавқулода ва мудофиаи граждании Тоҷикистон ва Барномаи умумиҷаҳонии ғизои СММ Ёддошти тафоҳум ба имзо расид
ДУШАНБЕ, 08.05.2017 /АМИТ «Ховар»/. Имрӯз дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар асоси Қарори Ҳукумати Ҷумҳурии Тоҷикистон аз 27 апрели соли 2017 маросими имзои Ёддошти тафоҳум миёни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Барномаи умумиҷаҳонии ғизои Созмони Милали Муттаҳид дар бораи ҳамкорӣ дар самти омодагӣ, бартарафсозӣ ва коҳиши хатари офатҳои табиӣ, ҳамчунин мутобиқшавӣ ба тағйири иқлим баргузор шуд.
Тавре мухбири АМИТ «Ховар» иттилоъ медиҳад, Ёддошти тафоҳумро Рустам Назарзода, Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Паоло Маттей, Директори Барномаи умумиҷаҳонии ғизои СММ дар Тоҷикистон имзо карданд.
Дар маросими имзои санади мазкур сафирони Федератсияи Россия ва Япония омодагӣ ва дастгирии ҳамешагии кишварҳои худро дар вақти сар задани ин ё он офати табиӣ дар Ҷумҳурии Тоҷикистон баён намуда, зикр карданд, ки амалӣ шудани нақшаҳо тибқи Ёддошти тафоҳум миёни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Барномаи умумиҷаҳонии ғизои Созмони Милали Муттаҳид имкон медиҳад, ки маълумотнокии аҳолӣ дар бораи офатҳои табиӣ ва хавфи онҳо баланд бардошта шавад.
«Санади мазкур имкон медиҳад ҳамкорӣ дар самти таъмини омодагӣ ба ҳолатҳои фавқулода ва вокуниш, коҳиши хатари офатҳо ва мутобиқшавӣ ба тағйирёбии иқлим барқарор ва густариш ёбанд. Мутобиқ ба ин Ёддошти тафоҳум ҷонибҳо ҳамкории дуҷониба, кор бар рӯйи эҷоди механизмҳои навоварона, низом ва равишҳо бо мақсади коҳиши хатар, идораи офатҳои табиӣ ва гуруснагиро тақвият мебахшанд»,-иброз дошт Умеда Юсупова, котиби матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
