Пешвои миллат: «Мо бояд нагузорем, ки ҷавонон таҳти таъсири ақидаҳои хурофотпарастонаву ифротӣ қарор гиранд»
ДУШАНБЕ, 12.05.2017 /АМИТ «Ховар»/. Ҳодисаҳои даҳшатборе, ки солҳои охир дар баъзе кишварҳои олам рух дода, тамоми ҷомеаи башариро ба ташвиш овардаанд, асосан аз ҷониби ҷавононе содир шуда истодаанд, ки саводи кофӣ надоранд ва ҳамчун бозичаи дасти доираҳои манфиатҷӯ ва ашхоси ҷиноятпеша истифода мешаванд. Ин нуктаро имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ифтитоҳи Муассисаи таҳсилоти миёнаи умумии рақами 9 дар деҳаи Сангтӯдаи ноҳияи Данғара таъкид намуданд.
Сарвари давлат ҳамчунин изҳор намуданд, ки дар робита ба ин Ҳукумати мамлакат ва сохтору мақомоти давлатӣ барои пешгирӣ кардани таъсири чунин равандҳои хатарнок ва шомилшавии ҷавонон ба ҳар гуна ҳизбу ҳаракатҳои экстремистиву террористӣ ҳамаи чораҳоро амалӣ карда истодаанд. Пешвои миллат хотирнишон сохтанд, ки дар баробари мақомоти ҳифзи ҳуқуқ масъулони соҳаи маориф, падару модарон ва аҳли ҷомеа бояд дар ин самт бисёр фаъол бошанд, ба тарбияи фарзандони худ ва наврасону ҷавонон эътибори ҷиддӣ диҳанд, онҳоро аз роҳи бад гардонанд ва нагузоранд, ки ҷавонон таҳти таъсири ақидаҳои хурофотпарастонаву ифротӣ қарор гиранд.
Президенти мамлакат бо эътимоди комил изҳор намуданд, ки сокинони ноҳияи Данғара, аз ҷумла мардуми заҳматқарини деҳоти Сангтӯда минбаъд низ барои боз ҳам ободу зебо гардонидани диёри аҷдодӣ ва тарбияи насли ояндасоз дучанд ҷаҳду талош мекунанд.
Пешвои миллат наврасону ҷавононро насли хушбахт ҳисобида, изҳор намуданд, ки онҳо бояд ҳамеша кӯшиш намоянд, ки бо баҳои хубу аъло таҳсил кунанд, рафтори намунавӣ дошта бошанд, ҳамчун мутахассисони баландихтисос ба камол расанд ва оянда давлати озоду соҳибихтиёри Тоҷикистонро соҳибӣ карда, пешрафту тараққиёти онро таъмин созанд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
