Пинҳон аз назорати гумрукӣ интиқол додани нусхаи нодири китоби Қуръон пешгирӣ карда шуд
ДУШАНБЕ, 17.05.2017. /АМИТ «Ховар»/. Аз тарафи кормандони Раёсати минтақавии гумрукӣ дар вилояти Суғд зимни гузаронидани амалиёти гумрукӣ воситаи нақлиёти тамғаи «Тойота – Эстима», рақами қайди давлатии Ҷумҳурии Қирғизистон, ки таҳти ронандагии шаҳрванди Ҷумҳурии Қирғизистон И. Қ. қарор дошт, мавриди санҷиш қарор дода шуд.
Тибқи иттилои Хадамоти гумруки назди Ҳукумати Ҷумҳурии Тоҷикистон, зимни азназаргузаронии нақлиёти мазкур аз дохили халтаи полиэтилении рангаш сафед як адад нусхаи қадимии китоби Қуръон дарёфт гардид.
Китоби мазкур ба шаҳрванд И. Қ., соли таваллудаш 1990, истиқоматкунандаи ноҳияи Лайлаки вилояти Боткенти Ҷумҳурии Қирғизистон тааллуқ дошта, номбурда мехост онро аз сарҳади гумрукии Ҷумҳурии Тоҷикистон ба Ҷумҳурии Қирғизистон пинҳонӣ аз назорати гумрукӣ интиқол диҳад.
Мувофиқи хулосаи коршиносон китоби дарёфтшудаи Қуръон осори бадеии таърихӣ, бостоншиносӣ, адабӣ ва дорои арзишҳои дигари фарҳангӣ ба ҳисоб рафта, таърихи зиёда аз 300-сола дорад.
Аз рӯи ҳолати мазкур нисбат ба шаҳрванди Ҷумҳурии Қирғизистон И. Қ. бо моддаҳои 32 қисми 3 ва 289 қисми 2 — и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, аз рӯи тобеияти тафтишотӣ ба Прокуратураи вилояти Суғд равон карда шуд.
Пагоҳ дар Агентии назорат дар соҳаи маориф ва илм, Агентии содирот, Бонки давлатии амонатгузории «Амонатбонк» ва Палатаи савдо ва саноат нишасти матбуотӣ баргузор мегардад
«Интернет барои хона» Steam-ро вусъат мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Вазорати саноат ва технологияҳои нав, Кумитаи давлатии идораи замин ва геодезӣ, Академияи миллии илмҳо, Суди Олии иқтисодӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон туман мефарояд
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
