То соли 2020 аз Тоҷикистон як миллион сайёҳ боздид намуда, 10 ҳазор нафар мутахассиси бахши сайёҳӣ омода мегарданд
ДУШАНБЕ, 31.05.2017/АМИТ «Ховар»/. Интизор меравад, ки аз Тоҷикистон то соли 2020 як миллион нафар сайёҳ боздид намоянд ва барои рушди сайёҳӣ 10 ҳазор нафар мутахассис дар кишвар омода карда шаванд». Ин нуктаро муовини аввали раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ризо Назарзода имрӯз дар Парлумони кишвар зимни муҳокимаи лоиҳаи Қонуни Ҷумҳурии Тоҷикистон «Дар бораи сайёҳии дохилӣ», ки вакилони Маҷлиси намояндагон онро баррасӣ ва қабул намуданд, баён дошт.
Зикр шуд, ки қонуни мазкур дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба рушди сайёҳӣ дар кишвар таҳия гаридааст. Ҳадафи он фароҳам овардани шароити мусоид ва муосири ҳуқуқӣ барои рушди иқтисодиёти миллӣ ва инфрасохтори сайёҳӣ, инчунин ҷалби сайёҳони хориҷӣ ба Тоҷикистон аст. Дар таҳияи лоиҳаи Қонуни Ҷумҳурии Тоҷикистон «Дар бораи сайёҳии дохилӣ» таҷрибаи қонунгузорӣ ва амалии кишварҳои пешрафтаи ҷаҳон дар самти сайёҳӣ, назири Амрико, Чин, Ҷопон, Ирландия мавриди таҳлилу омӯзиш қарор дода шудааст.
Бояд тазаккур дод, ки даромад аз бахши сайёҳӣ дар сатҳи ҷаҳон баъд аз нафт ва маводи доруворӣ ҷои сеюмро ишғол намуда, 30 %-и содироти хизматрасониро ташкил медиҳад. Танҳо дар соли 2015 дар миқёси ҷаҳон ташрифи сайёҳон 4 фоиз афзоиш ёфта, ба 1,2 млрд. нафар расид ва даромади умумии давлатҳо ба $1,5 трлн. баробар гардид, ки ҳудудан 10 фоизи маҷмӯи маҳсулоти дохилии ҷаҳонро ташкил медиҳад.
Қабули лоиҳаи Қонуни Ҷумҳурии Тоҷикистон «Дар бораи сайёҳии дохилӣ» дар кишвар дар ҳолест, ки аъзои Хукумати мамлакат 26 май дар Маҷлиси Ҳукумати Ҷумҳурии Тоҷикистон лоиҳаи қарори Ҳукумати Ҷумҳурии Тоҷикистон дар бораи таъсиси Кумитаи рушди сайёҳии назди Ҳукумати Ҷумҳурии Тоҷикистонро мавриди баррасӣ қарор доданд. Ҳамзамон дар асоси пешниҳодҳои Президенти кишвар Эмомалӣ Раҳмон, ки дар Паёмашон ба Парлумон кишвар таъкид гардида буданд, соли равон ба кодексҳои андоз ва гумруки кишвар тағйиру иловаҳо ворид карда шуданд, ки тибқи он дар Тоҷикистон ширкатҳои сайёҳӣ дар панҷ соли аввали фаъолияташон аз пардохти андоз озод карда шуданд.
Инчунин техникаю таҷҳизот ва масолеҳи сохтмонии барои иншооти сайёҳӣ воридшаванда низ аз пардохти боҷи гумрукӣ озод гардиданд.
Дар Қатар инъикоси мавзеъҳои сайёҳии Тоҷикистон дар шабакаи иттилоотии «Ал-Ҷазира» баррасӣ шуд
САЙЁҲӢ ДАР ТОҶИКИСТОН СОҲАИ ОЯНДАДОР АСТ. Мулоҳизаҳои ректори Донишгоҳи байналмилалии сайёҳӣ ва соҳибкорӣ Убайдулло Асрорзода
РУШДИ САЙЁҲӢ. Дар ноҳияи дурдасти Мурғоб се меҳмонхонаи замонавӣ ба истифода дода шуд
Кумитаи рушди сайёҳии Тоҷикистон ва Корпоратсияи рушди сайёҳии Покистон дар асоси «Харитаи роҳ» ҳамкориро вусъат мебахшанд
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
ҶАШНИ ТИРГОН. Он ҳамчун воситаи маъмули сайёҳии миллӣ муаррифӣ гардид
Ҳайати Тоҷикистон дар Ҷаласаи гурӯҳи корӣ оид ба баланд бардоштани иқтидори сайёҳии минтақаи CAREC иштирок намуд
Тоҷикистон ва Ҳиндустон дар самти омода намудани мутахассисони соҳаи сайёҳӣ ҳамкориро густариш медиҳанд
«БАДАХШОН – ДАРВОЗАИ ТИЛЛОИИ ТОҶИКИСТОН». Суратгузориш аз Форуми сайёҳӣ дар шаҳри Хоруғ
«OH TAJIKISTAN». Дар Кумитаи рушди сайёҳӣ муаррифии видеролики таблиғотӣ доир гардид
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
Имконияти сайёҳии Тоҷикистон дар Олмон муаррифӣ гардид
