«Ваҳдати миллӣ- асоси пойдорӣ ва рушди ҷомеа»-конференсияи ҷумҳуриявӣ дар Донишкадаи олии сарҳадии КДАМ ҶТ
ДУШАНБЕ, 01.05.2017 /АМИТ «Ховар»/. «Ваҳдати миллӣ- асоси пойдорӣ ва рушди ҷомеа»- чунин унвон дошт конференсияи ҷумҳуриявии илмӣ-назариявӣ, ки дар Донишкадаи олии сарҳадии Кумитаи давлатии амнияти миллии Ҷумҳурии Тоҷикистон баргузор шуд.
Тавре ба АМИТ «Ховар» сардори Маркази матбуоти Қӯшунҳои сарҳадии КДАМ Ҷумҳурии Тоҷикистон Муҳаммад Улуғхоҷаев иттилоъ дод, дар конференсия олимону сиёсатшиносон, муҳассилини Донишкадаи олии сарҳадӣ, Мактаби олии КДАМ, Академияи ВКД ва Донишкадаи ҳарбии Вазорати мудофиа сухан гуфтанд.
Зикр гардид, ки Ваҳдати миллӣ ва сулҳу салоҳ аз бузургтарин дастоварди замони истиқлол буда, ҳифз ва арҷгузории он вазифа ва қарзи ҳар як тоҷику тоҷикистонӣ мебошад. Зеро маҳз Ваҳдати миллӣ асос шуд, то имрӯз мо дар фазои тинҷу ором ва озоду обод зиндагиву фаъолият дорем.
Иштирокдорон аз нақши бориз доштани Асосгузори сулҳу Ваҳдати миллӣ, Пешвои миллат Эмомалӣ Раҳмон дар таҳкиму устувории Ваҳдати миллӣ ёдовар шуда, зикр карданд, ки маҳз бо кӯшишҳои бевоситаи ӯ миллати тоҷик ба ҳам омада, хавфи аз байн рафтани Тоҷикистон пешгирӣ карда шуд.
Ҳамчунин дар конфронс аз дастгириҳои Созмони Миллали Муттаҳид ва давлатҳои кафил дар таҳия ва татбиқи Созишномаи умумии истиқрори сулҳ ва ризоияти миллӣ сухан гуфта, нақши онҳоро дар пойдории сулҳи тоҷикон муҳим арзёбӣ карданд.
Дар конфронс инчунин оид ба гаравидани ҷавонон ба ҳар гуна равияву ҳаракатҳои ифротиву экстремистӣ, зиёд шудани нашъамандиву дигар амалҳои номатлуб байни муҳассилин ва устодону иштирокдорон саволу ҷавоб сурат гирифта, аз зарарҳо ва оқибатҳои нохуби он изҳори андеша карданд.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
