Ҳавопаймои «Turkmenistanairlines» бо парвози нахустин дар Фурудгоҳи байналмилалии Душанбе нишаст
ДУШАНБЕ, 12.06.2017 /АМИТ «Ховар»/. Имрӯз бори нахуст ҳавопаймои ширкати миллии ҳавонавардии Туркманистон -«Turkmenistanairlines» дар Фурудгоҳи байналмилалии Душанбе нишаст.
Бинобар иттилои котиби матбуоти Фурудгоҳи байналмилали Душанбе Ҷамила Ҳусейнова, ҳавопаймои «Боинг» -и ширкати «Turkmenistanairlines» дар хатсайри Ашқобод –Душанбе –Ашқобод парвози техникӣ -озмоишӣ анҷом дод. Ҳавопаймои ширкати ҳавонавардии «Turkmenistanairlines» беш аз 100 мусофирро, ки асосан аз роҳбарону намояндагони вазорату идораҳо, иттиҳодияҳои саноатчиён ва соҳибкорони Туркманистон иборат аст, ба Душанбе овард. Дар Фурудгоҳи байналмилалии Душанбе ҳайати Туркманистонро роҳбарону намояндагони Вазорати нақлиёти Ҷумҳурии Тоҷикистон, Фурудгоҳи байналмилалии Душанбе ва дигар ниҳодҳои марбута истиқбол гирифтанд. Интизор меравад, ки роҳбарону намояндагони идораҳои ҳавонавардии ду кишвар –Тоҷикистону Туркманистон имрӯз дар Душанбе барои дар оянда ба роҳ мондани парвозҳои мустақими доимӣ дар хатсайри Ашқобод –Душанбе-Ашқобод ва ё хатсайри транзитӣ –тавассути кишвари сеюм гуфтушунид анҷом диҳанд.
Ҳамзамон дар пойтахти Тоҷикистон 12 июн вохӯрии доираҳои соҳибкорию тиҷоратии Тоҷикистону Туркманистон доир гардида, дар он масъалаҳои муҳими таҳкими ҳамкории иқтисодию тиҷоратии байни ду кишвар баррасӣ мегарданд.
Бояд тазаккур дод, ки ҳафтаи гузашта Сафири Фавқулода ва Мухтори Туркманистон дар Ҷумҳурии Тоҷикистон Чорӣ Атаев зимни нишасти матбуотӣ ба намояндагони воситаҳои ахбори омма дар Душанбе гуфта буд, ки ифтитоҳи роҳи ҳавоӣ байни Душанбе ва Ашқобод дар таҳкими муносиботи ду кишвари дӯсту бародар -Тоҷикистон ва Туркманистон ва тақвияти ҳамкории иқтисодию тиҷоратӣ ва илмию фарҳангии ду мамлакат саҳифаи нав боз карда, нақши муассир хоҳад гузошт.
Ҳамзамон интизор меравад, ки тавассути хатсайри озмоишии Ашқобод-Душанбе-Ашқобод имрӯз ҳайати 40-нафараи намояндагони Тоҷикистон ҷиҳати иштирок дар Рӯзҳои фарҳанги Ҷумҳурии Тоҷикистон дар Туркманистон ба Ашқобод раванд.
Қобили зикр аст, ки ширкати ҳавонвардии Туркманистон «Türkmenhowaýollary» /«Turkmenistan Airlines»/ соли 1992 таъсис дода шуда, алҳол ба 16 шаҳри кишварҳои гуногуни ҷаҳон, назири Анқара, Амритсар, Алмаато, Бангкок , Бирмингем, Деҳлӣ, Дубай, Қазон, Лондон, Минск, Москва, Пекин, Париж, Санкт-Петербург, Истанбул ва Франкфурт парвозҳои мустақими доимӣ анҷом медиҳад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
