Аз ин ба баъд дар милитсия афроди дорои душаҳрвандӣ кор карда наметавонанд
ДУШАНБЕ, 07.06.2017/АМИТ «Ховар»/. Вакилони палатаи поёнии Парлумони Тоҷикистон 7 июн ба Қонуни Ҷумҳурии Тоҷикистон «Дар бораи милитсия» тағйиру иловаҳо ворид намуданд. Тибқи он минбаъд дар Тоҷикистон шахсоне, ки шаҳрвандии кишвари хориҷиро доранд ё соҳиби душаҳрвандиянд, ҳуқуқ надоранд дар мақомоти корҳои дохилии Ҷумҳурии Тоҷикистон фаъолият намоянд.
Абдураҳмон Аламшозода, муовини аввали Вазири корҳои дохилии Ҷумҳурии Тоҷикистон, ки масъалаи мазкурро дар Парлумон тавзеҳ дод, гуфт, ки дар сурати ошкор шудани душаҳрвандии нафароне, ки дар мақомоти корҳои дохилии кишвар фаъолият мекунанд, онҳо аз кор барканор мегарданд.
Инчунин тибқи тағйиру иловаҳо ба Қонуни Ҷумҳурии Тоҷикистон «Дар бораи милитсия» мафҳуми «ҷиноӣ» ба «ҷиноятӣ» ва «кушода» ба «оғоз» иваз карда шуд.
Имрӯз дар шаҳри Душанбе ҳаво то 33 дараҷа гарм мешавад
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
Дар хоҷагиҳои шаҳри Ҳисор ҷамъоварии ҳосили пахта оғоз гардид
