Ба диққати ронандагон: аз соати 07:00 то 21:00 дар Ваҳдат ҳаракати воситаҳои нақлиёт маҳдуд мешавад

Июнь 24, 2017 09:33

ДУШАНБЕ, 24.06.2017 /АМИТ «Ховар»/. Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон ба диққати сокинони кишвар мерасонад, ки 27 июни соли равон дар шаҳри Ваҳдат чорабинии ҷашнӣ вобаста ба таҷлили 20-умин солгарди Рӯзи Ваҳдати миллӣ баргузор мегардад. Ҷиҳати таъмини амнияти меҳмонон ва иштирокчиёни ҷашнвора аз соати 07:00 то 21:00 дар шаҳри Ваҳдат ҳаракати ҳама гуна воситаҳои нақлиёт маҳдуд карда мешавад.

Тавре аз Раёсати мазкур ба хабарнигори АМИТ «Ховар» хабар доданд, ронандагони воситаҳои нақлиёт метавонанд дар ин рӯз аз роҳҳои иловагии зерин истифода баранд. Аз самти минтақаи Кӯлоб ба самти шаҳри Душанбе: Данғара — Қӯрғонтеппа – Душанбе; ағбаи Чормағзак – Ёвон – Душанбе; деҳаҳои Бостон (Эскигузар) – Абдулообод – Карим Исмоил – Мулло Давлат (Телман)-и шаҳри Ваҳдат – х. «Ленинград»-и н.Рудакӣ — Душанбе;

Аз самти водии Рашт ба самти шаҳри Душанбе: деҳаҳои Меҳробод (Қарабулоқ)-и н.Файзобод — Бостон (Эскигузар) – Абдулообод – Карим Исмоил – Мулло Давлат (Телман)-и ш.Ваҳдат – х. «Ленинград»-и н.Рӯдакӣ – шаҳри Душанбе.

Ба зикри манбаъ, ҳамчунин ронандагон метавонанд, аз самти шаҳри Душанбе – ба самти минтақаи Кӯлоб ва водии Рашт: аз х. «Ленинград»-и н.Рӯдакӣ — деҳаҳои Мулло Давлат (Телман) — Карим Исмоил – Абдуллообод — Бостон (Гургхӯрда)-и Ваҳдат; маҳаллаи Обшорон – заводи шифери километри 9-ум — деҳаҳои Мулло Давлат (Телман) — Карим Исмоил — Абдуллообод — Бостон (Гургхӯрда)-и шаҳри Ваҳдат истифода намоянд.

 

 

Июнь 24, 2017 09:33

Хабарҳои дигари ин бахш

Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Имрӯз дар Тоҷикистон ҳавои камабри бебориш пешгӯӣ мешавад
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид