Ба ифтихори зодрӯзи Мавлоно Ҷалолиддини Балхии Румӣ Туркия дар Душанбе чорабиниҳои фарҳангӣ доир менамояд
ДУШАНБЕ, 22.06.2017 /АМИТ «Ховар»/. Туркия тасмим гирифтааст, ки ба ифтихори зодрӯзи Мавлоно Ҷалолиддини Балхии Румӣ дар пойтахти Ҷумҳурии Тоҷикистон маҷмӯи чорабиниҳои фарҳангӣ баргузор намояд.
Дар ин робита дар Душанбе зимни мулоқоти Вазири фарҳанги Ҷумҳурии Тоҷикистон Шамсиддин Орумбекзода бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Алӣ Рифат Кёксал масъалаҳои марбут ба таҳкими робитаҳои фарҳангӣ байни Тоҷикистон ва Туркия, бахусус чорбиниҳои гуногуни фарҳангӣ дар иртибот ба зодрӯзи Мавлоно Ҷалолдидини Балхии Румӣ баррасӣ гардиданд.
Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон хабар доданд.
Сафири Туркия Алӣ Рифат Кёксал иброз дошт, ки дар доираи ҷашнвораи мазкур ташкили барномаи консертӣ бо иштироки ҳунарпешаҳои рақси дарвешии турк, намоиши мусаввараҳои рассоми машҳури Туркия Даря Вар, ки иштирокчии Намоишгоҳи байналмилалии рассомон баҳри сулҳ «Гавҳари Роҳи бузурги абрешим» аст, дар назар дошта шудааст.
Ҳамзамон дипломати турк иттилоъ дод, ки ба ифтихори зодӯзи Мавлоно дар Душанбе баргузории конференсияи муштарак оид ба мероси адабии Ҷалолиддини Балхии Румӣ дар ҳамкорӣ бо Академияи илмҳои Тоҷикистон ва иштироки насли 22-юми Мавлоно Эсим Челеби Байру, ки роҳбари Фонди Мавлоно дар Туркия мебошад, инчунин намоиши ғизоҳои туркӣ дар назар аст.
Вазири фарҳанги Ҷумҳурии Тоҷикистон Шамсиддин Орумбекзода гуфт: «Ҷашнвораи мазкур аз ҷониби мардуми тоҷик хеле хуш пазируфта хоҳад шуд, зеро тоҷикон нисбат ба Мавлоно, ки шахсияти ҷаҳонист, муҳаббати бузург доранд. Ҳар сол 30 сентябр, ки зодрӯзи Мавлоност, дар Тоҷикистон Рӯзи Мавлавихонӣ гузаронида мешавад. Инчунин китоби «Маснавии маънавӣ»-и Мавлоно асари маҳбуби ҳар як хонадони тоҷик аст».
Хотиррасон меномоем, ки моҳи декабри соли 2012 Асосгузори сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷараёни сафари расмиашон ба Туркия оромгоҳи Мавлоно Ҷалолиддини Балхии Румиро дар шаҳри Қуния зиёрат намуда, бо устодону донишҷӯёни Донишгоҳи Мавлоно мулоқот ороста буданд.
Имрӯз дар ноҳияҳои кӯҳии Тоҷикистон бориши борон дар назар аст
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
