Ба кирдорҳои коррупсионӣ даст задани кормандони «Амонатбонк» муҳокима гардид
ДУШАНБЕ, 05.06.2017 /АМИТ «Ховар»/. Охири ҳафтаи гузашта дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҷаласаи Шӯрои ҳамоҳангсозии фаъолияти мақомоти мубориза бар зидди коррупсияи Ҷумҳурии Тоҷикистон баргузор гардид.
Тавре ба АМИТ «Ховар» аз Агентӣ хабар доданд, дар ҷаласа таҳлил ва муҳокимаи ҳолати даст ба кирдорҳои коррупсионӣ задани кормандони Бонки давлатии амонатгузории Ҷумҳурии Тоҷикистон «Амонатбонк» ва натиҷаи тафтишу санҷишҳои он дар солҳои 2012-2016 мавриди баррасӣ қарор дода шуд.
Вобаста ба мавзӯи баррасишаванда маълумоти як гурӯҳ роҳбарони вазорату идораҳо, ҳамзамон раиси Бонки давлатии амонатгузории Ҷумҳурии Тоҷикистон «Амонатбонк» шунида шуд.
Аъзои Шӯрои ҳамоҳангсозӣ фаъолияти 5-солаи кормандони БДА ҶТ «Амонатбонк»-ро мавриди муҳокима қарор дода, баҳри бартараф намудани камбудию норасоиҳои ҷойдошта ба роҳбарияти бонк ва сохторҳои зертобеи он тавсияҳои мушаххас пешниҳод намуданд.
Ёдовар мешавем, ки Шӯрои ҳамоҳангсозии фаъолияти мақомоти мубориза бар зидди коррупсия 25 ноябри соли 2015 бо иқдоми бевоситаи Пешвои миллат муҳтарам Эмомалӣ Раҳмон бо мақсади ҳамоҳангсозии фаъолияти мақомоти мубориза бар зидди коррупсия, баланд бардоштани самаранокии фаъолият чиҳати огоҳсозӣ, пешгирӣ, ошкорсозӣ ва рафъи ҳуқуқвайронкуниҳои коррупсионӣ, фошнамоӣ, таҳқиқ ва тафтиши пешакии ҷиноятҳои коррупсионию иқтисодии дорои хусусияти коррупсионӣ ва ҷиноятҳои ба андоз алоқаманд дар Ҷумҳурии Тоҷикистон таъсис дода шудааст.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
