Боздошти ноболиғи 14-сола бо гумони дуздии телефон

ДУШАНБЕ, 02.05.2017. /АМИТ «Ховар»/. Вазорати корҳои дохилии Ҷумҳурии Тоҷикистон аз боздошти ноболиғи 14-сола, хонандаи синфи 7-и мактаби миёна, ки дар содир намудани ҷинояти дуздӣ гумонбар мешавад, хабар медиҳад.

Тавре аз ВКД ҶТ ба АМИТ «Ховар»  иттилоъ доданд, ба мақомоти милитсия марди 26-солаи сокини кӯчаи Борбади шаҳри Душанбе муроҷиат кардааст, ки рӯзи 31 майи соли 2017, тахминан соати 10:30, шахси номаълум бо роҳи пинҳонӣ аз кисааш 1 адад телефони мобилии тамғаи «Сони РС-4», арзишаш 4000 сомониро дуздидааст.

Ба иттилои манбаъ, ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия ноболиғи 14-сола, хонандаи синфи 7-и мактаби миёна, сокини кӯчаи Н. Қарабоеви пойтахт бо гумони дуздӣ дастгир карда шуд.