Дабири кулли СММ ба Тоҷикистон меояд

Июнь 7, 2017 14:02

ДУШАНБЕ, 07.06.2017 /АМИТ «Ховар»/. Дабири кулли СММ Антонио Гутерриш аз кишварҳои Осиёи Марказӣ – Тоҷикистон, Қазоқистон, Ӯзбекистон, Қирғизистон ва Туркманистон дидан менамояд. Дар ин бора Маркази иттилооти СММ хабар дод.

8 июн Дабири кулли СММ ба шаҳри Остона парвоз карда, шоми ҳамон рӯз дар чорабиниҳои бахшида ба ҷаласаи Шӯрои сарони давлатҳои аъзои Созмони ҳамкории Шанхай иштирок менамояд.

Тибқи барномаи сафар, рӯзи дигар- 9 июн Антонио Гутерриш бо президенти Қазоқистон Нурсултон Назарбоев мулоқот карда, дар ҷаласаи пленарии СҲШ суханронӣ мекунад.

Рӯзи шанбе, 10 июн Дабири кулл ба шаҳри Самарқанди Ҷумҳурии Ӯзбекистон сафар карда, он ҷо бо президенти ин кишвар Шавкат Мирзиёев мулоқот менамоянд. Нимаи дуюми рӯз Антонио Гутерриш ба Нукус рафта, он ҷо аз оромгоҳи киштиҳо дар баҳри Арал дидан мекунад.

Сипас, рӯзи якшанбе, 11 июн Дабири кулли СММ ба Бишкек сафар намуда, пас аз мулоқот бо президенти Ҷумҳурии Қирғизистон Алмазбек Атамбаев барои иштирок дар чорабиниҳои бахшида ба ҳаводиси моҳи июни соли 2010 ба шаҳри Ӯш меравад. Расо 7 сол қабл дар ин шаҳр хушунати байниқавмӣ авҷ гирифта буд.

12 июн Антонио Гутерриш ба Тоҷикистон ва 13 июн ба Туркманистон сафар анҷом медиҳад. Мулоқоти ӯ бо президенти Ҷумҳурии Тоҷикистон Эмомалӣ Раҳмон ва президенти Туркманистон Гурбонгулӣ Бердимуҳаммадов баргузор мешавад. Дар шаҳри Душанбе Антонио Гутерриш дар Конфронс оид ба рушди устувор суханронӣ намуда, дар шаҳри Ашқобод дар муколамаи сатҳи баланд бахшида ба татбиқи стратегияи мубориза бо терроризм дар Осиёи Марказӣ иштирок менамояд.

 

Июнь 7, 2017 14:02

Хабарҳои дигари ин бахш

Тоҷикистон аз созиши оташбас байни Исроил ва Эрон истиқбол менамояд
Сафири Тоҷикистон ба Президенти Малдив эътимоднома супорид
Дар Душанбе тақвияти ҳамкорӣ байни Тоҷикистон ва Қатар дар соҳаи иқтисоду тиҷорат баррасӣ шуд
Сироҷиддин Муҳриддин дар ҷаласаи вазирони корҳои хориҷии давлатҳои аъзои Созмони ҳамкории исломӣ иштирок намуд
Тоҷикистон зарбаҳои неруҳои ҳарбии ҳавоии Амрико ва Исроилро ба иншооти ҳастаии Эрон қатъиян маҳкум мекунад
Роҳбарони агентиҳои давлатии иттилоотии кишварҳои ИДМ дар Санкт-Петербург рушди ҳамкориро баррасӣ намуданд
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд
Сарвазири Тоҷикистон бо директори минтақавии Бонки ҷаҳонӣ дар Осиёи Марказӣ мулоқот намуд