Дар Москва Ҷаласаи якҷояи Шӯрои ҳамкории гуманитарӣ ва Раёсати Хазинаи байнидавлатии ҳамкории гуманитарии кишварҳои аъзои ИДМ баргузор шуд
ДУШАНБЕ, 06.06.2017. /АМИТ «Ховар»/. 5 июни соли равон дар шаҳри Москваи Федератсияи Россия Ҷаласаи якчояи Шӯрои ҳамкории гуманитарӣ ва Раёсати Хазинаи байнидавлатии ҳамкории гуманитарии кишварҳои аъзои ИДМ баргузор шуд, ки дар кори он аз Ҷумҳурии Тоҷикистон президенти Академияи илмҳои Тоҷикистон Фарҳод Раҳимӣ иштирок намуд.
Тавре аз Академияи илмҳои Ҷумҳурии Тоҷикистон хабар доданд, дар қисмати аввали ҷаласаи мазкур қарорҳои кории аъзои Раёсати Хазинаи байнидавлатии ҳамкории гуманитарӣ ва таҳрири нави нақша барои соли 2017 қабул гардида, аз фаъолияти Хазинаи байнидавлатии ҳамкории гуманитарии кишвархои аъзои ИДМ дар соли 2016 натиҷагирӣ карда шуд.
Сипас ҳисоботи таҳлилӣ доир ба амалисозии лоиҳаҳо дар соли 2016 шунида шуда, шакли ҳисоботдиҳии муҳосибии Хазинаи мазкур дар соли 2016 тасдиқ гардид.
Дар қисмати дуюми ҷаласа фаъолияти ҷории Раёсати Хазина мавриди баррасӣ қарор гирифт. Гузориши директори иҷроияи Хазина шунида шуда, ҳаҷми маблағҳои пулие, ки дар соли 2016 ба давлатҳои аъзои Созишнома оид ба таъсиси Хазинаи байнидавлатии ҳамкории гуманитарии кишварҳои аъзои ИДМ гузаронида шудаанд, муайян карда шуданд.
Дар ҷаласаи якҷоя масъалаи гузаронидани Форуми навбатии зиёиёни эҷодкор ва илмӣ баррасӣ гардид.
Дар охир Нақшаи фаъолияти Хазинаи байнидавлатии ҳамкорихои гуманитарии кишварҳои аъзои ИДМ дар соли 2018, а Нақша-смета ва сметаи нигаҳдории Мудирияти иҷроияи Хазина барои соли 2018, иҷрои супоришҳои Шурои ҳамкориҳои гуманитарӣ ва Раёсати Хазина, мавзуоти гуманитарӣ барои солҳои 2019 ва 2020 дар давлатҳои ИДМ, дурнамои гузаронидани ҷаласаҳои якҷояи Шӯро бо дигар мақомоти Иттиҳод, самаранокии амалисозии чорабиниҳои бузурги фарҳангӣ баррасӣ ва тасдиқ гардида, пешниҳод оид ба пурра ҳамроҳ кардани Ҷумҳурии Туркманистон ва Ҷумҳурии Ӯзбекистон ба Хазина маъқул дониста шуд.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
