Дар ноҳияи Ишкошим коргоҳи адрасбофӣ ба фаъолият шурӯъ намуд
ХОРУҒ, 21.06.2017 /АМИТ «Ховар»/. Дар маркази ноҳияи Ишкошим коргоҳи адрасбофӣ ба кор андохта шуд, ки дар баробари истеҳсоли адрас, ҳамчунин 15 нафар аз занону духтарони маҳаллӣ дар ин коргоҳ тарзи бофтани адрасро меомӯзанд.
Роҳбари коргоҳ Зарринҷамол Ғуломносирова ба мухбири АМИТ «Ховар» гуфт, ки чанде пеш бо кумаки Мақомоти иҷроияи ҳокимияти давлатии ноҳияи Ишкошим ӯро барои аз худ кардани касби адрасбофӣ ба вилояти Суғд фиристониданд. Баъди аз худ кардани нозукиҳои ин касб вақти гусел ба ӯ ду дастгоҳи адрасбофиро туҳфа намуданд.
Зарринҷамол Ғуломносирова баъди бозгашт ба зодгоҳ як биноро ба иҷора гирифта, 15 нафар занҳои хонашинро ба адрасбофӣ ҷалб кард. Ӯ мегӯяд, ки талабот ба матои адрас зиёд аст, аммо азбаски коргоҳ ҳамагӣ ду дастгоҳ дорад, наметавонад ҳамаи дархости мизоҷонро сари вақт иҷро кунад. Номбурда аз мақомоти иҷроияи ҳокимияти давлатии ноҳия хоҳиш намуд, ки барои дастрас кардани дастгоҳҳои иловагӣ кумак расонад.
Бояд зикр намуд, ки ин бори аввал нест, ки бо дастгирии адрасбофони Суғд дар ВМКБ шуғли адрасбофӣ роҳандозӣ мешавад. Ду сол пеш чунин корхона дар назди Маркази бонувони «Меҳри модар»-и ноҳияи Дарвоз ба кор андохта шуд, ки ҳоло бомаром фаъолият дорад.
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
