Франсия рӯзҳои наздик ба сохтмони манораи диспетчерӣ дар Душанбе оғоз менамояд
ДУШАНБЕ, 29.06.2017 /АМИТ «Ховар»/. Аз 25 то 28 июни соли равон ҳайати иборат аз роҳбарият ва коршиносони Корхонаи воҳиди давлатии «Тоҷикаэронавигатсия» ва намояндаи Вазорати молияи Ҷумҳурии Тоҷикистон ба манзури анҷоми гуфтушунидҳо ҷиҳати бунёд ва таҷҳизонидани Манораи диспетчерии нави Фурудгоҳи байналмилалии Душанбе ба шаҳри Париж сафар намуданд.
Дар ин бора ба АМИТ «Ховар» аз Сафорати Тоҷикистон дар Франсия хабар доданд.
Ба иттилои манбаъ, дар доираи ин сафар дар Вазорати корҳои хориҷӣ ва умури Аврупо ва Вазорати молияи Франсия мулоқотҳо баргузор гашта, ҳайат бо таҷҳизоти истеҳсолшавандаи ширкати ‘THALES’ шиносоӣ пайдо карданд.
Дар рафти мулоқотҳо ҷониби Франсия бо изҳори миннатдорӣ аз ҳусни ҳамкорӣ ҳангоми будубоши қӯшунҳои ҳарбии ин кишвар дар Тоҷикистон дар доираи шарикӣ бо неруҳои байналмилалии амниятӣ дар Афғонистон таъкид намуд, ки Франсия дар татбиқи лоиҳаҳои мухталиф дар соҳаи авиатсияи Тоҷикистон пайгирона саҳм хоҳад гузошт ва мисоли равшани ин ҳамкорӣ бунёди Терминали нави Фурудгоҳи байналмилалии Душанбе мебошад.
Дар робита ба манораи диспетчерӣ ҷониби Франсия омодагии худро ҷиҳати шурӯи сохтмони бинои манора баён намуда, дар фурсатҳои наздик ба Душанбе гурӯҳи коршиносонро барои анҷоми корҳои муқаддамотӣ мефиристад.
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
Имрӯз дар водиҳои Тоҷикистон ҳаво то 40 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1245 сомонӣ муқаррар шудааст
Иштирокдорони Форуми XI байналмилалии «Кӯдакони Иттиҳод» дар Осорхонаи миллӣ бо таъриху тамаддуни тоҷикон шинос шуданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ меҳвари асосии худшиносӣ ва кафили соҳибихтиёрии давлат аст
Дар шаҳри Турсунзода байни духтарон эстафетаи футбол, машқҳои шавқовар ва озмунҳои гуногун доир карда шуд
