Корҳои мумфаршкунӣ дар роҳи мошингарди минтакаи Зафаробод-Дӯстӣ оғоз шуданд
ХУҶАНД, 09.06.2017. /АМИТ «Ховар»/. Дирӯз Раиси вилояти Суғд Абдураҳмон Қодирӣ бо мақсади шиносоӣ бо ҷараёни корҳои кишоварзӣ ва ободонӣ ба ноҳияи Зафаробод сафари корӣ анҷом дод.
Тавре ба АМИТ «Ховар» аз хадамоти матбуоти Мақомоти иҷроияи ҳокимияти давлатии вилояти Суғд иттилоъ доданд, раиси вилояти Суғд зимни шиносоӣ бо корҳои кишоварзӣ ва ободонӣ дар ноҳия, ҳамзамон дар деҳаи Чашмасори ҷамоати ба номи Ҳамид Алиеви ноҳия бо ҷараёни корҳои сохтмони бинои замонавӣ дар назди мактаби рақами 9 барои 240 хонанда дар як баст шинос шуд.
Тавре гуфта шуд, мактаби нав дорои 8 синфхона ва низоми гармидиҳии марказонида буда, он дар арафаи соли нави хониш мавриди баҳрабардорӣ қарор мегирад. Зимни боздид Раиси вилоят дастур дод, ки бо мақсади боз ҳам беҳтар гардидани шароити таҳсилу тамрини толибилмон дар мактаб толори варзишӣ бунёд карда шавад.
Дар ин рӯз бо иштироки Раиси вилоят инчунин корҳои мумфаршкунии роҳи Зафаробод-Дӯстӣ оғоз шуданд. Абдураҳмон Қодирӣ зимни шиносоӣ бо корҳо ба маъулин дастур дод, то пеш аз ҳама ба сифат ва муҳлати иҷрои таъмири роҳ диққат диҳанд, зеро роҳи мазкур барои мардуми ин минтақа солҳои дароз хизмат мекунад.
Бояд гуфт, ки амали мазкур бо ташаббус ва маблағгузории Мақомоти иҷроияи ҳокимияти давлатии вилоят рӯи кор омадааст. Роҳи мазкур маркази ноҳияро бо ҷамоати деҳоти Равшан пайваста, дарозии он ба масофаи 27,6 километр ва паҳноии то 8 метр таъмиру навсозӣ хоҳад шуд.
Фармоишгари сохтмони роҳ Идораи сохтмони асосии вилоят буда, мумфаршкунии онро ҷамъиятҳои дорои масъулияти маҳдуди «Рахшонсоз» ва «Роҳи обод» ба зимма гирифтаанд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
