Ҷоми КФО-2017: «Истиқлол» бар «Олтин Асир»-и Туркманистон ғолиб омад
ДУШАНБЕ, 01.06.2017 /АМИТ«Ховар»/. Шоми дирӯз дастаи футболи «Истиқлол»-и Душанбе, қаҳрамони панҷкаратаи Тоҷикистон дар бозии даври охирини марҳилаи гурӯҳии Ҷоми Конфедератсияи футболи Осиё -2017 дар майдони худ бар дастаи «Олтин Асир»-и Ашқобод, қаҳрамони секаратаи Туркманистон бо ҳисоби 1:0 пирӯз шуда, ба даври баъдӣ роҳ ёфт. Дар ин бора хабарнигори АМИТ «Ховар» иттилоъ медиҳад.
Бояд зикр кард, ки бозии даври охирини гурӯҳи «D» миёни дастаҳои «Истиқлол» ва «Олтин Асир» дар Варзишгоҳи марказии шаҳри Душанбе бо ҳузури 9000 тамошобин сурат гирифт. Дар ин вохӯрӣ голи ягонаро Дилшод Восиев дар дақиқаҳои иловагӣ ба ҳадаф расонд.
Ҳарду даста лаҳзаҳои фаровони голзанӣ доштанд. Дар дақиқаҳои охири нимаи аввали бозӣ тӯб ду бор баъди зарбаи бозингарони туркман ба сутуни дарвоза бархӯрд. Дар дақиқаҳои аввали нимаи дуюми бозӣ бозингарони «Истиқлол» низ ду бор имкони кушодани ҳисобро аз даст доданд.
Хотиррасон менамоем, ки дар бозии дигари даври охирини сабқати гурӯҳи «D» 31 май ду дастаи Қирғизистон — «Олой»-и Ӯш ва «Дордой»-и Бишкек бо ҳам рақобат карданд. Ин бозӣ бо пирӯзии дастаи мизбон «Олой», қаҳрамони Қирғизистон бо ҳисоби 5:4 хотима ёфт.
Ҳамин тариқ, аз рӯи натиҷагирии мусобиқа дар гурӯҳи «D» дастаи «Истиқлол» бо 16 имтиёз ғолиб шуд. Футболбозони тоҷик таҳти роҳбарии сармураббӣ Мӯҳсин Муҳаммадиев дар панҷ бозӣ ғалаба карда, як бозиро бо «Олтин Асир» дар меҳмонӣ бо ҳисоби мусовии 1:1 анҷом доданд.
Дастаи «Олтин Асир» бо 13 имтиёз дар мақоми дуюм қарор гирифт. Дастаҳои «Дордой» ва «Олой» бо сеимтиёзӣ мутаносибан ҷойҳои сеюму чорумро ишғол карданд. Ба ин тартиб, бар асоси дастури мусобиқа ғолиби минтақаи Осиёи марказии Ҷоми АFC-2017- «Истиқлол», қаҳрамони панҷкаратаи Тоҷикистон ба ҳаққи ширкат дар даври баъдии Ҷоми AFC мушарраф гардид.
Ёдовар мешавем, ки қуръакашии даврҳои нимфиналии минтақавии байналмилалии Ҷоми AFC-2017 рӯзи 6 июн дар пойтахти Малайзия- шаҳри Куала-Лумпур барпо мегардад.
Бозиҳои аввали ин марҳилаи мусобиқа 22-23 август, бозиҳои ҷавобӣ 12-13 сентябр баргузор мешаванд.
ОҒОЗИ ЭҲЁИ ВАРЗИШИ СУННАТИИ МАРДУМИ ТОҶИК. Нахустин Чемпионати ҷаҳон оид ба гӯштингирӣ ба анҷом расид
Паҳлавони тоҷик Кароматулло Ҳакимов дар нахустин Чемпионати ҷаҳон оид ба Гӯштингирӣ медали тилло ба даст овард
Дастаи мунтахаби Тоҷикистон оид ба футзал бо дастаҳои Испания ва Нидерландия бозии дӯстона доир мекунад
Варзишгари тоҷик Ҳақназар Назаров дар нахустин Чемпионати ҷаҳон оид ба Гӯштингирӣ медали тилло ба даст овард
ФУТБОЛ. Ҳайати дастаи мунтахаби Тоҷикистон барои иштирок дар мусобиқаи Ҷоми Мердека-2024 муайян гардид
Эмомалӣ Раҳмон: «Барои дар сатҳи баланд доир кардани мусобиқаҳои милливу ҷаҳонӣ оид ба гӯштингирӣ талош хоҳем кард»
Пешвои миллат: «Баргузории Чемпионати ҷаҳон оид ба гӯштингирӣ Душанберо чун шаҳри сулҳу дӯстӣ муаррифӣ менамояд»
Варзишгари тоҷик Шакармамад Мирмамадов дар нахустин Чемпионати ҷаҳон оид ба гӯштингирӣ медали тилло ба даст овард
Шоҳида Қаландарова барандаи медали нуқраи Чемпионати ҷаҳон оид ба гӯштингирӣ шуд
Варзишгари тоҷик Масъуди Аҳмадзод медали тиллои нахустин Чемпионати ҷаҳон оид ба гӯштингириро ба даст овард
Президенти Тоҷикистон: «Гӯштингирӣ намуди суннатии варзиши мардуми тоҷик буда, таърихи беш аз панҷҳазорсола дорад»
Паҳлавони тоҷик Муллораҷаб Халифаев соҳиби медали тиллои Чемпионати ҷаҳон оид ба гӯштингирӣ гардид
