Сафири Британияи Кабир Ҳю Филпотт: «Британия шарики қадрдони Тоҷикистон мебошад…»
ДУШАНБЕ, 25.06.2017./АМИТ «Ховар»/. 21 июн Сафорати Британияи Кабир дар Тоҷикистон дар саҳифаи худ дар шабакаи Фейсбук навореро ба намоиш гузошт, ки дар бадали як шабонарӯз қариб ду ҳазор нафар истифодабарандагони ин шабака аз он дидан намуданд.
Дар навори видеоӣ Сафири Фавқулода ва Мухтори Британияи Кабир дар Тоҷикистон ҷаноби Ҳю Филпотт аз фаъолият ва тасмимҳои сафорат бо забони англисӣ чунин арз намудааст:
«Хуш омадед ба Тоҷикистон, ки дар дили Осиё воқеъ аст!
Ман ва тими ман Британияи Кабирро дар шаҳри Душанбе, пойтахти Тоҷикистон намояндагӣ мекунем.
Сулҳу суботи Тоҷикистон ба манфиати минтақа ва ҷаҳон муҳим аст.
Британия шарики қадрдони Тоҷикистон мебошад ва мо якҷоя барои рушди устувори ин кишвар кӯшиш мекунем.
Мо бо намояндагӣ аз мардуми Британияи Кабир дар Тоҷикистон мақсад дорем бо Ҳукумат ва мардуми ин кишвари зебо ҳамкорӣ кунем, то ба дастовардҳои зарурӣ ноил шавем.
Саломат бошед! Ташаккури зиёд!».
Қобили зикр аст, ки ҷаноби Филпотт ҷумлаҳои аввал ва охири худро бо забони тоҷикӣ низ баён медорад. Тавре АМИТ «Ховар» иттилоъ дода буд, чанде қабл Сафири Британияи Кабир Ҳю Филпотт баёнияе нашр кард ва зимни он аз табиати нотакрор ва имкониятҳои сайёҳӣ дар Тоҷикистон ситоиш намуда буд.
Имрӯз дар шаҳри Душанбе ҳаво то 27 дараҷа гарм мешавад
Дар Лахш барои фаъолияти самарабахш дар давраи тирамоҳу зимистон беш аз як миллион сомонӣ маблағ ҷудо гардидааст
Чӣ тавр тарофаро дар якчанд дақиқа метавон фаъол кард?
Имрӯз дар водиҳои Тоҷикистон ҳаво то 24 дараҷа гарм мешавад
50 ҳазор аҳолии ноҳияи Абдураҳмони Ҷомӣ бо оби тозаю безарари нӯшокӣ таъмин мегарданд
Ба Маркази омӯзиши пиряхҳои Академияи миллии илмҳои Тоҷикистон таҷҳизоти нави озмоишӣ дастрас карда шуд
Имрӯз дар шаҳри Душанбе ҳаво то 24 дараҷа гарм мешавад
Филми ҳунарии «Моҳӣ дар шаст» дар кинофестивали байналмилалии «Шилингел» дар Олмон намоиш дода шуд
Тоҷикистон мизбони ҷаласаи Шурои сарони кишварҳои аъзои Иттиҳоди Давлатҳои Мустақил мегардад
Имрӯз дар Тоҷикистон ҳаво то 27 дараҷа гарм мешавад
«КИТОБХОНА — КОХИ МАЪРИФАТ». Дар шаҳри Кӯлоб ҳамоиши дӯстдорони китоб доир шуд
Дар шаҳри Панҷакент пойгоҳҳои обкашӣ барқарор карда мешаванд
