Сарҳадбонони Тоҷикистон кӯшиши интиқол додани маводи мухаддирро пешгирӣ карданд
ДУШАНБЕ, 10.06.2017 /АМИТ «Ховар»/. Шаби 8-ум ба 9-уми июн хизматчиёни ҳарбии Отряди сарҳадии «Шӯрообод» Раёсати Қӯшунҳои сарҳадии КДАМ ҶТ дар вилояти Хатлон ҳангоми ҳимояи хати сарҳади давлатӣ кӯшиши ба ҳудуди Тоҷикистон ворид кардани маводи мухаддирро пешгирӣ намуданд.
Дар ин бора ба АМИТ «Ховар» сардори хадамоти матбуоти Қӯшунҳои сарҳадӣ Муҳаммад Улуғхоҷаев иттилоъ дод.
Мувофиқи суханони М. Улуғхоҷаев, «Дар вақти пешбурди хизмати наряди сарҳадӣ дар якҷоягӣ бо кормандони КДАМ ҶТ дар ҳудуди яке аз минтақаи дидбонгоҳи сарҳадии зертобеи Отряди сарҳадии «Шӯрообод» миёни сарҳадбонон ва гурӯҳи мусаллаҳи қочоқчиёни номаълум ҳангоми убури ғайриқонунии хати сарҳади давлатӣ задухӯрди мусаллаҳона ба вуқӯъ омад».
«Қочоқчиёни афғон ба муқовимати қатъӣ ва чусту чолоконаи cарҳадбонони тоҷик тоб оварда натавониста, тариқи қамишзор ба самти Афғонистон баргаштанд», — таъкид кард М. Улуғхоҷаев ва гуфт: «Ҳангоми аз назар гузаронии ҷои ҳодиса зиёда аз 15 кг маводи мухаддири навъи бангдона, як адад яроқи оташфишон дарёфт ва мусодира карда шуд».
Тавре АМИТ «Ховар» муайян намуд, вобаста ба ҳодисаи мазкур тафтишот оғоз карда шудааст.
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
