Таҷлили 20-умин солгарди Рӯзи Ваҳдати миллӣ дар «Фурудгоҳи байналмилалии Душанбе»
«Мо имрӯз метавонем бо ифтихор изҳор намоем, ки истиқрори сулҳу субот ва ваҳдати миллӣ дастоварди бузургтарин ва воқеан таърихии тоҷикон мебошад, ки маҳз дар натиҷаи ҳамбастагии мардуми кишвар ва азму талоши фарзандони содиқи халқамон муяссар гардид».
Эмомалӣ Раҳмон
ДУШАНБЕ, 22.06.2017 /АМИТ «Ховар»/. «Талошҳои роҳбари давлатамон дар роҳи расидан ба сулҳи сартосарӣ ва Ваҳдати миллӣ шоистаи таҳсину қадрдонист. Маҳз сиёсати оқилона, дурандешона, садоқат ва сулҳхоҳии Президенти кишварамон Эмомалӣ Раҳмон боис шуд, ки дар сарзаминамон — Тоҷикистон сулҳу субот, амният ва ризоияти миллию ваҳдат таъмин гардад», -чунин гуфт, зимни конференсияи 5-уми ҳисоботӣ-интихоботии ташкилоти Ҳизби Халқи Демократии Тоҷикистон /ҲХДТ/, муовини директори генералии Ҷамъияти саҳҳомии кушодаи «Фурудгоҳи байналмилалии Душанбе» Аслиддин Меликов.
Тибқи иттилои котиби матбуотии «Фурудгоҳи байналмилалии Душанбе» Ҷамила Ҳусейнова, конференсия ба ифтихори 20-умин солгарди ба имзо расонидани Созишномаи умумии истиқрори сулҳ ва ризоияти миллӣ дар Ҷумҳурии Тоҷикистон, ки 27 июн таҷлил мегардад, гузаронида шуда, дар он олимону, таърихшиносон ва намояндагони бархе аз вазорату кумитаҳои ҷумҳурӣ иштирок намуданд.
Дар конференсия донишмандони шинохта Кароматулло Олимов, Мавлон Мухторов ва раиси Кумитаи иҷроияи ҲХДТ дар ноҳияи Шоҳмансур Зулфиқор Гулмаҳмадзода доир ба аҳамияти санади барои миллати тоҷик сарнавиштсоз ва таърихӣ –Созишномаи умумии истиқрори сулҳ ва ризоияти миллӣ дар Тоҷикистон, ҳифзи сулҳу субот, таъмини ваҳдати миллӣ ва таҳкими пояҳои давлатдории миллӣ ибрози назар карданд. Зикр шуд, ки ҳифзи сулҳу амнияти кишвар ва таъмини ваҳдати миллӣ вазифаи муқадаси ҳар шаҳрванди кишвар аст. Аз ин рӯ, ба қадри сулҳу ваҳдати миллӣ бирасем ва онро аз ҳама гуна таҳдиду хатарҳои замони муосир ҳифз намоем, зеро сулҳу субот барои ҳар як кишвар, хусусан барои миллати тоҷик, ки рӯзҳои мудҳишро паси сар намудааст, неъмат ва дастоварди бузургу сарнавиштсоз аст.
Намояндаи Тоҷикистон дар конференсияи байналмилалии «Ҳифзи мерос барои субот» иштирок намуд
Дар шаҳри Истаравшан Рӯзи омӯзгорон таҷлил гардид
Ҳайати ҷавонони Тоҷикистон дар ҳамоиши байналмилалии ҷавонон дар Қазокистон иштирок намуд
ОМӮЗГОРОН-ПОСДОРОНИ ЗАБОНИ МИЛЛАТ. Дар Донишкадаи давлатии санъати тасвирӣ ва дизайни Тоҷикистон ҳамоиши тантнавӣ доир шуд
Олимони Чин бо фаъолияти Институти тибби ветеринарии Академияи илмҳои кишоварзии Тоҷикистон шинос шуданд
Дар Донишгоҳи давлатии Кӯлоб Рӯзи забони давлатӣ ва Рӯзи омӯзгорон таҷлил гардид
6 ОКТЯБР-РӮЗИ ҶАҲОНИИ ҲИФЗИ МАКОНИ ЗИСТ. Ҷомеаи ҷаҳонӣ бояд таъсири харобиовари омили антропогенӣ ба табиатро ҷилавгирӣ намояд
МУЛОҚОТИ СУДМАНД ВА ТАҲКИМБАХШ. Дар ҳошияи сафари Президенти Тоҷикистон ба Давлати Қатар
Имрӯз дар баъзе ноҳияҳои Тоҷикистон борони кӯтоҳмуддат меборад
Дар Душанбе Форуми даҳуми миллӣ оид ба волоияти қонун баргузор мегардад
Забони тоҷикӣ давоми бештар аз сӣ соли Истиқлолияти давлатӣ муҳимтарин омили ваҳдат ва сарҷамъии миллат гардид
Дар шаҳри Гулистон ба гиромидошти Рӯзи забони давлатӣ конференсия баргузор шуд
