Турсунзода: муборизаи беамон бар зидди малах
ТУРСУНЗОДА, 07.06.2017 /АМИТ «Ховар»/. Истифода аз дастгоҳу заҳрхимикатҳои муосир ва низоми муташаккилонаи кор имкон дод, ки дар масоҳати қариб 3 ҳазор гектар мавзеи пайдогаштаи малах коргарди кимиёвӣ бомуваффақият гузаронида шавад. Ин матлабро Саидалӣ Холматов, сармутахассиси Муассисаи давлатии экспедитсияи мубориза бар зидди малах дар шаҳри Турсунзода зимни суҳбат ба хабарнигори АМИТ «Ховар» иброз дошт.
Дар ҳудуди деҳаҳои «Хум» ва «Қизил юл»-и ҷамоати деҳоти Навобод, дар деҳаи «Оғо», масири «Долонсой» ва мавзеи «Говмиш»-и ҷамоати ба номи Ҷӯра Раҳмони ноҳия дар масоҳати 800 гектар мубориза бар зидди малах натиҷаи хуб дод.
Ҳамчунин дар чарогоҳҳои зимистонаи хоҷагиҳои кишоварзии шаҳри Турсунзода, ки дар ҳудуди ноҳияи Шаҳритуз воқеъанд, дар мавзеъҳои «Чӯпон-шаҳид», «Боғи Ҷидда» ва «Найзабулоқ» дар масоҳати 2 ҳазору 200 гектар коркарди кимиёвӣ гузаронида шуд.
Ба мавсими мубориза бар зидди малах 3 адад техникаи дорупошии ОВХ-28, ду адад мошини «Тайота» бо дастгоҳҳои аэрозолӣ, ду адад мошини обкаш, 16 адад дорупошакҳои моторию дастӣ ва 42 нафар коргарони мавсимӣ ҷалб шудаанд.
Ҳоло корҳои нобудсозии малах дар мавзеъҳои паҳнгаштаи он идома доранд. Дар айни замон малах паррончак шуда, ба тухмгузорӣ шурӯъ намудааст. Ҳарчанд ҳамасола ба муқобили ин офати табиӣ маблағҳои муайян, қувваю вақти бисёр сарф мешавад, вале он пурра нест намешавад.
Масъулинро зарур аст, ки на танҳо малах, балки тухми онро низ пурра нест намоянд.
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
