«Ваҳдат саодати миллат аст» ва «Шоми истиқлол»- ҳамоиши фарҳангию фароғатӣ дар шаҳри Ваҳдат
ВАҲДАТ, 10.06.2017. /АМИТ «Ховар»/. Дар боғи фарҳангии шаҳри Ваҳдат таҳти унвони «Ваҳдат саодати миллат аст» ва «Шоми истиқлол» ҳамоиши фарҳангию фароғатӣ баргузор гардид.
Тавре мухбири АМИТ «Ховар» хабар медиҳад, ҷамъомад бо ташаббуси донишҷӯёни Коллеҷи тиббии шаҳр ва Кумитаи иҷроияи Ҳизби Халқии Демократии Тоҷикистон дар шаҳри Ваҳдат ташкил гардида, дар он дастовардҳои донишҷӯён ба намоиш гузошта шуд.
Раиси созмони ҷавонони Коллеҷи тиббии шаҳри Ваҳдат Саодат Ҳоҷибоева иброз намуд, ки донишҷӯёни коллеҷ бо баргузории ин ҳамоиш ҷавонону наврасони шаҳрро ба роҳи инсондӯстӣ, хештаншиносӣ, ободкориву созандагӣ, ватанпарастӣ ва ҳифзи арзишҳои миллии кишвар даъват намуданд.
«Силсилачорабиниҳои фарҳангие, ки аз ҷониби донишҷӯёни муассисаҳои миёнаи касбии шаҳр бахшида ба Соли ҷавонон ва ҷашни Ваҳдати миллӣ доир гардида истодааст, бо мақсади мустаҳкам намудани риштаи дӯстии ҷавонон ва баланд бардоштани ҳисси ватандӯстии онҳо мебошад»,-гуфт мудири шуъбаи рушди иҷтимоӣ ва робита бо ҷомеаи шаҳри Ваҳдат Ҳикматулло Розиқов.
Донишҷӯён бо шукргузорӣ аз фазои сулҳу суботи кишвар дар назди ҳозирин дар васфи Ватан, сулҳ ва ҷавонмардӣ шеърҳо қироат намуданд. Ҳамчунин барномаи фарҳангие, ки аз ҷониби онҳо пешкаши сокинон гардид, хеле ҷолиб ва хотирмон арзёбӣ гардид.
Имрӯз дар Тоҷикистон ҳавои бебориш пешгӯӣ мешавад
Имрӯз дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мегардад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
Нахустин заминаи инноватсияҳо
Имрӯз дар баъзе ноҳияҳои Тоҷикистон бориши борон ва барф дар назар аст
НИШАСТИ МАТБУОТӢ. Дар Хуҷанд ба маблағи беш аз 2 миллиард сомонӣ маҳсулот истеҳсол гардидааст
Пагоҳ дар Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ доир мегардад
Имрӯз дар баъзе ноҳияҳои Тоҷикистон туман мефарояд
Ҷашни пуршукуҳи ниёгон-Сада дар вилояти Хатлон бо шаҳомати хосса таҷлил гардид
