Зиёда аз 5 ҳазор шаҳрвандони Тоҷикистон дар вилояти Красноярски Россия Рӯзи Ваҳдати миллиро ҷашн хоҳанд гирифт
ДУШАНБЕ, 12.06.2017 /АМИТ «Ховар»/. Тоҷикони вилояти Красноярски Федератсияи Россия дар Рӯзи Ваҳдати миллӣ ҳамаро ба дӯстиву бародарӣ даъват менамоянд. Зиёда аз 5 ҳазор нафар шаҳрвандони Тоҷикистон, ки дар ин вилоят кору фаъолият доранд, ин рӯзро таҷлил хоҳанд кард. Дар ин бора ба АМИТ «Ховар» муовини раиси «Пайванд» (ҷамъияти тоҷикони шаҳри Красноярск) Ҳазаралӣ Асламов иттилоъ дод.
Номбурда зикр намуд, ки «дар вилояти Красноярск зиёда аз 30 ҳазор нафар шаҳрвандони Тоҷикистон дар соҳаҳои гуногун кору фаъолият мекунанд. Ҷамъияти тоҷикони шаҳри Красноярск соли 1997 таъсис ёфта, дар он 15 ҳазор нафар шаҳрвандони мо номнавис шудаанд».
Ба гуфти Ҳ. Асламов, « соли 2011 дар назди ҷамъият як Маркази ҷавонон аз ҳисоби донишҷӯёни тоҷик, ки дар донишкадаҳои ин ҷо таҳсил мекунанд, таъсис дода шуд. Дар чорабиниҳои ин марказ 130 нафар ҷавонони тоҷик фаъолона иштирок мекунанд, ки аз онҳо 50 нафарашон дар Донишгоҳи тиббии шаҳри Красноярск таҳсил доранд».
«Ҳамаи чорабиниҳои ҷашние, ки баргузор мегарданд, дар якҷоягӣ бо ин Марказ гузаронида мешавад. Ҳамчунин ҳамаи анъанаҳои миллӣ, аз қабили тўйи домодиву арусӣ ва хатнасур дастаҷамъона гузаронида мешаванд», — изҳор дошт Ҳ. Асламов
Тавре ӯ зикр намуд, ҷамъияти тоҷикони Красноярск иқдоми некро пеша карда, ҳамасола зимни истиқбол гирифтани ҷашни Ваҳдати миллӣ, Рӯзи Истиқлолияти давлатии Ҷумҳурии Тоҷикистон ва Иди Қурбон ба дармондагон ва бошандагони хонаи ятимони вилоят сару либос ва хӯрока кӯмак менамоянд.
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
